Suryakumar Yadav : टीम इंडियाचा फलंदाज सूर्यकुमार यादवसाठी हे वर्ष खास राहिले आहे. ऑस्ट्रेलियात होणाऱ्या T20 विश्वचषकापूर्वी सराव सामन्यात त्याने अर्धशतक झळकावले. यावरून सूर्यकुमार यादवचा टी-20 क्रिकेटमध्ये सध्या किती जबरदस्त फॉर्म आहे हे दिसून येत आहे. वेस्टर्न ऑस्ट्रेलिया इलेव्हनविरुद्धच्या पहिल्या सराव सामन्यात सूर्यकुमार यादवने अर्धशतक झळकावले.

सूर्यकुमार यादवने हार्दिक पांड्या आणि दिनेश कार्तिकसोबत छोटी पण तुफानी भागीदारी केली. भारताने 20 षटके खेळून 6 गडी गमावून 158 धावा केल्या. चौथ्या क्रमांकावर उतरलेल्या सूर्यकुमार यादवच्या बॅटमधून भारतासाठी एकमेव अर्धशतक झळकले. सूर्यकुमारने 35 चेंडूत 3 चौकार आणि 3 षटकारांच्या मदतीने 52 धावा केल्या, तर हार्दिक पांड्याने 20 चेंडूत 29 धावा केल्या. रोहित शर्मा आणि ऋषभ पंत सलामीला अपयशी ठरले. या सामन्यात आर अश्विन, विराट कोहली आणि केएल राहुल उपलब्ध नाही. मात्र दुसऱ्या सामन्यात खेळणार आहे, कारण यानंतर संघाला टी-20 विश्वचषकाचा सराव सामना खेळायचा आहे.

ऑस्ट्रेलियातील परिस्थितीची सवय करून घेण्यासाठी भारतीय खेळाडू कोणतीही कसर सोडत नाहीत. ऑस्ट्रेलियातील खेळपट्ट्या भारतातील खेळपट्ट्यांपेक्षा खूपच वेगळ्या आहेत. भारतीय संघात असे अनेक युवा खेळाडू आहेत जे ऑस्ट्रेलियन खेळपट्ट्यांवर खेळले नाहीत. अशा परिस्थितीत आयसीसीच्या या मोठ्या स्पर्धेच्या तयारीसाठी टीम इंडिया नियोजित वेळेपूर्वी ऑस्ट्रेलियात दाखल झाली आहे.

ऑस्ट्रेलिया T20 वर्ल्ड कप पाहायचाICC T20 विश्वचषक स्पर्धेसाठी भारतीय संघ : रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (यष्टीरक्षक), दिनेश कार्तिक (यष्टीरक्षक), हार्दिक पंड्या, आर अश्विन, युझवेंद्र चहल, अक्षर पटेल, भुवनेश्वर कुमार, हर्षल पटेल, अर्शदीप सिंग.

राखीव खेळाडू : मोहम्मद.शमी, श्रेयस अय्यर, रवी बिश्नोई, दीपक चहर.