T20 विश्वचषक 2022 आता शेवटच्या टप्प्यात पोहोचला आहे, वर्ल्डकप फायनलसाठी काउंटडाऊन सुरू झाले आहे. या दरम्यान भारताला रविवारी इंग्लंडविरुद्ध उपांत्य सेमिफायनल खेळणार आहे. भारताला रविवारी इंग्लंडविरुद्धच्या सामन्यांसाठी आयसीसीने पंच आणि इतर अधिकाऱ्यांची नावे जाहीर केली आहेत. दरम्यान, भारतीय चाहत्यांसाठी दिलासा देणारी बातमी म्हणजे अंपायर रिचर्ड कॅटलबोरो यांना टीम इंडियाच्या सामन्यात जबाबदारी देण्यात आलेले नाही. या बातमीनंतर सोशल मीडियावर भारतीय चाहत्यांमध्ये उत्साहाचे वातावरण दिसत आहे.

आयसीसीने सोमवारी फायनलसाठी सामना अधिकाऱ्यांची नावे जाहीर केली. भारत आणि इंग्लंड यांच्यातील दुसरे सेमिफायनल 10 नोव्हेंबर रोजी अॅडलेडमध्ये होणार आहे, ज्यामध्ये दोन फील्ड अंपायर, थर्ड अंपायर आणि मॅच रेफरी यांच्याबाबत आयसीसीने माहिती दिली आहे.

• फील्ड अंपायर: कुमार धर्मसेना आणि आणि पॉल रीफेल

• थर्ड अंपायर: ख्रिस गॅफनी

• फोर्थ अंपायर: रॉड टकर

• मॅच रेफरी: डेव्हिड बून

रिचर्ड कॅटलबोरोंचा नेमका संबंध काय?

सोशल मीडियावर लोक मजेशीर पोस्ट करत आहेत, कारण गेल्या काही आयसीसी इव्हेंटमध्ये जेव्हा-जेव्हा रिचर्ड कॅटलबोरो भारताच्या मॅचमध्ये फील्ड अंपायर बनले आहेत, तेव्हा टीम इंडियाच्या बाबतीत काहीतरी अप्रिय घडले आहे. 2021 चा टी२० विश्वचषक असो किंवा 2019 साली न्यूझीलंडविरुद्ध भारताचा उपांत्य सामना असो ज्या महेंद्रसिंग धोनी धावबाद झाला होता आणि भारतीय संघाला पराभव स्विकारावा लागला होता. 

केवळ हे दोन सामनेच नाही तर अशी अनेक उदाहरणे आहेत जिथे रिचर्ड कॅटलबोरो हे भारतासाठी अशुभ ठरले आहेत. यामध्ये 2014 T20 विश्वचषक, 2015 एकदिवसीय विश्वचषक, 2016 T20 विश्वचषक 2016, 2017 चॅम्पियन्स ट्रॉफीचे नॉकआऊट सामने यांचा समावेश समावेश आहे. त्यामुळेच आता भारताच्या सामन्यासाठी रिचर्ड कॅटलबोरो यांची नियुक्ती न झाल्याने चाहत्यांमध्ये उत्साह आहे.

सामन्याच्या वेळा काय आहेत?

• न्यूझीलंड विरुद्ध पाकिस्तान - 9 नोव्हेंबर, सिडनी (दुपारी 1.30)

• भारत विरुद्ध इंग्लंड - 10 नोव्हेंबर, अॅडले अॅडलेड (दुपारी 1.30) 

सेमिफायनलमध्ये पोहोचलेले संघ

• ग्रुप-1: न्यूझीलंड, इंग्लंड

• गुप-2: भारत, पाकिस्तान