T-20 World Cup 2022 : ऑस्ट्रेलियात 16 ऑक्टोबरपासून T20 वर्ल्ड कप 2022 सुरूवात होणार आहे. भारत आणि पाकिस्तानसह बहुतेक देशांनी वर्ल्ड कपसाठी संघ जाहीर केला आहे. परंतु 4 संघाने निर्धारित वेळेपर्यंत संघ जाहीर केला नाही. न्यूझीलंड व्यतिरिक्त स्कॉटलंड, आयर्लंड आणि UAE या देशांनी 2022 च्या T20 वर्ल्ड कप स्पर्धेसाठी अद्याप आपला संघ जाहीर केलेला नाही. आशिया चषक 2022 चे विजेते श्रीलंकेने या स्पर्धेसाठी नुकताच आपला संघ जाहीर केला होता. त्याचबरोबर पाकिस्ताननेही आपला 15 सदस्यीय संघ जाहीर केला आहे.

यावेळी आशियाई करंडक जिंकलेल्या संघातील खेळाडूंनाच विश्वकरंडकासाठी संधी देण्यात आली आहे. दुशमंता चामीरा व लहिरू कुमारा यांचे मात्र पुनरागमन झाले आहे. मात्र त्यांचा सहभाग हा त्यांच्या फिटनेसवर अवलंबून असणार आहे. माथीशा पाथीराना व असिस्था फर्नांडो या दोन खेळाडूंना बाहेरचा रस्ता दाखवण्यात आला आहे. अशेन बंदारा व प्रवीण जयविक्रमा यांची राखीव खेळाडू म्हणून निवड करण्यात आली आहे. त्याच वेळी, न्यूझीलंड 20 सप्टेंबरला आपला संघ जाहीर करेल. निर्धारित मुदत संपल्यानंतर न्यूझीलंडने आयसीसीकडे आणखी वेळ मागितला आहे.

भारतीय संघाने टी-20 वर्ल्ड कप साठी संघ जाहीर केला आहे. 2022 च्या टी-20 वर्ल्ड कप साठी रोहित शर्माला कर्णधार तर केएल राहुलला उपकर्णधार बनवण्यात आले आहे. त्याचबरोबर वेगवान गोलंदाज जसप्रीत बुमराह आणि हर्षल पटेल यांचे टीम इंडियात पुनरागमन झाले आहे. याशिवाय अर्शदीप सिंगलाही संघात स्थान मिळाले आहे. भारताव्यतिरिक्त पाकिस्तान, बांगलादेश आणि श्रीलंकेनेही आपला संघ जाहीर केला आहे, परंतु न्यूझीलंड व्यतिरिक्त स्कॉटलंड, आयर्लंड आणि यूएईने निर्धारित कालावधी असूनही अद्याप संघ जाहीर केलेला नाही.