Venkatesh Prasad : भारताचा माजी वेगवान गोलंदाज व्यंकटेश प्रसाद सोशल मीडियावर चांगला अॅक्टिव्ह असतो. त्याने भारताच्या अमृत मोहत्सवी स्वातंत्र्य दिनानिमित्त सोशल मीडियावर हातात तिरंगा घेतलाले फोटो शेअर केला. मात्र हा फोटो पाहून त्याचे चाहते चांगलेच चिंतेत पडले. या फोटोत व्यंकटेश प्रसाद खूप बारीक झाल्याचे दिसत आहे. त्यामुळे चाहते सोशल मीडियावर त्याच्या तब्येतीविषयी विचारणा करू लागले होते. (Venkatesh Prasad Health Update)

व्यंकटेश प्रसादने सोशल मीडियावर तिरंग्यासोबत आपला फोटो शेअर करत सर्वांना स्वांतत्र्या दिनाच्या शुभेच्छा दिल्या होत्या. व्यंकटेश प्रसादने या फोटोला 'स्वातंत्र्य विचरांचे, शब्दांमधला विश्वास आणि आत्म्यात गर्व. स्वातंत्र्य दिनानिमित्त देशाला अभिवाद करा.' असे कॅप्शन दिले.

हा फोटो पाहिल्यानंतर चाहत्यांना व्यंकटेश प्रसाद खूप बारीक झाल्याचे जाणवले. त्यामुळे चाहत्यांनी त्याच्या तब्येतीविषयी विचारणा करण्यास सुरूवात केली. त्याला तब्येतीची काळजी घेण्याचा आवाहन केले. दरम्यान, व्यंकटेश प्रसादने एका चाहत्याला उत्तर दिले.

प्रसाद म्हणाला, 'मी एकदम ठणठणीत आहे. मी दीर्घ काळासाठी साधना करत होतो. तसेच तिरूवंदमलई मे अरूणाचल पर्वतावर गिलीवलम (परिक्रमा) करत होतो. मी लो डायेटवर होते. त्यामुळे माझे वजन कमी झाले आहे. मात्र मला उर्जा मिळाल्यासारखे वाटते. काही काळातच माझे वजन पुन्हा वाढेल. आपुलकीने विचारणा केल्याबद्दल आभारी आहे.'