क्रीडा

Video: पार्किसन्सचा 'सुपर-स्पिन'; पाकिस्तानी फलंदाजही अवाक

Video: पार्किसन्सचा 'सुपर-स्पिन'; पाकिस्तानी फलंदाजही अवाक ऑफ स्टंपच्या बाहेरचा चेंडू खेळायला इमामने पाय बाहेर काढला अन्...

विराज भागवत

ऑफ स्टंपच्या बाहेरचा चेंडू खेळायला इमामने पाय बाहेर काढला अन्...

इंग्लंडने पाकिस्तानविरुद्धच्या वन डे मालिकेत ३-० असा विजय मिळवला. आधीच दोन सामने जिंकलेला इंग्लंडचा संघ तिसऱ्या सामन्यात पराभूत होतो की काय अशी शंका चाहत्यांना आली होती. पण इंग्लंडच्या मधल्या फळीतील जेम्स विन्सने तळाच्या लेव्हिस ग्रेगोरी सोबत भागीदारी करत संघाला विजय मिळवून दिला. ३३२ धावांचा पाठलाग करताना इंग्लंडची अवस्था ५ बाद १६५ झाली होती. पण विन्सचे शतक (१०२) आणि ग्रेगोरीचे अर्धशतक (७७) यांनी संघाला विजय मिळवून दिला. या सामन्यात सर्वाधिक चर्चा झाली ती जेम्स पार्किसन्सने टाकलेल्या जादुई चेंडूची... त्याने पाकिस्तानच्या इमाम उल हकला अशा पद्धतीने क्लीन बोल्ड केलं की इमाम स्वत:देखील आश्चर्यचकित झाला. (Viral Video Matt Parkinson clean bowled Pakistani Imam Ul Haq with Super Spin)

पाकिस्तानच्या फलंदाजीच्या वेळी २६ वे षटक पार्किसन्स टाकत होता. इमाम उल हक त्यावेळी ५६ धावांवर खेळत होता. पार्किसन्सला पाकिस्तानची इमाम-बाबर भागीदारी तोडण्यासाठीच गोलंदाजी देण्यात आली होती. त्याने त्याला दिलेली कामगिरी चोख पार पाडली. इमाम उल हक याला त्याने ऑफ स्टंपच्या खूप बाहेर चेंडू टाकला. तो चेंडू खेळण्यासाठी इमामने पाय बाहेर आणला. त्या नादात इमामच्या बॅट आणि पायात खूप अंतर शिल्लक राहिले. चेंडू टप्पा पडून पटकन वळला आणि अंतरामधून जाऊन थेट स्टंपवर आदळला. आपण क्लीन बोल्ड झालोय हे सुरूवातीला इमामलाही कळलं नाही. पण नंतर हा प्रकार समजल्यावर तोदेखील आश्चर्यचकित होत माघारी परतला.

पाहा व्हिडीओ-

दरम्यान, या सामन्यात पाकिस्तानने प्रथम फलंदाजी करत ३३१ धावा केल्या होत्या. त्यात कर्णधार बाबर आझमच्या दमदार शतकाचा समावेश होता. बाबर आझमने १३९ चेंडून १५८ धावांची धडाकेबाज खेळी केली. त्यात १४ चौकार आणि ४ षटकारांचा समावेश होता. त्याला ७४ धावा करणाऱ्या मोहम्मद रिझवानने आणि इमाम उल हकने चांगली साथ दिली. या तिघांच्या खेळीच्या जोरावरच पाकिस्तानने ३३१ धावा केल्या. पण इंग्लंडने मात्र १२ चेंडू आणि ३ गडी राखून सामना आपल्या नावे केला.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

T Raja Singh Resignation : ‘’आजच्याच दिवशी बरोबर ११ वर्षांपूर्वी मी...’’ ; भाजपने राजीनामा मंजूर करताच टी.राजा भावनिक!

Pune: सूपमध्ये झुरळ सापडले; पण तक्रारीकडे हॉटेल व्यवस्थापनाचे दुर्लक्ष, नंतर महिलेनं...; पुण्यातील खळबळजनक घटना

IND vs ENG 3rd Test: KL Rahul ने झेल सोडला! शुभमन गिल अम्पायरसोबत भांडला; Umpire ने मागे ढकलले अन् म्हणाले, जा...

Hinjewadi Electric Supply : हिंजवडीतील वीजपुरवठा ७२ तासांनी पूर्वपदावर; नागरिकांकडून सुटकेचा निःश्वास

World Record Internet Speed: इंटरनेट स्पीडचा वर्ल्ड रेकॉर्ड! 10,000 पेक्षा जास्त 4K सिनेमे एका क्षणात झाले डाउनलोड, कुठे घडला हा चमत्कार?

SCROLL FOR NEXT