West Indies vs India : टीम इंडियाला वेस्ट इंडिजविरुद्ध पहिल्या एकदिवसीय सामन्यात मोठा फटका बसला आहे. एका छोट्या चुकीमुळे टीम इंडियाच्या खिशाला कात्री लागले आहे. पहिल्या एकदिवसीय सामन्यात स्लो ओव्हर रेटसाठी भारतीय क्रिकेट संघाला मॅच फीच्या 20 टक्के दंड ठोठावण्यात आला आहे. शिखर धवनच्या नेतृत्वाखालील भारतीय संघाने निर्धारित वेळेत एक षटक कमी टाकल्याचे आढळले, त्यानंतर सामनाधिकारी दंड ठोठावला. पहिल्या एकदिवसीय सामन्यात वेस्ट इंडिजचा भारताने तीन धावांनी पराभव केला. (Wi vs Ind 1st ODI India Penalised For Slow Over Rate)

टीम इंडियावर लावण्यात आलेल्या दंडाबाबत आयसीसीने रविवारी एक पत्र जारी केले की, आयसीसी आचारसंहितेच्या नियम 2.22 नुसार, जर कोणताही संघ किंवा खेळाडू स्लो ओव्हर रेटसाठी दोषी आढळला, तर त्याची मॅच फी 20 टक्क्यांनी कमी केली जाईल. आयसीसीच्या म्हणण्यानुसार, धवनने याबाबत आपली चूक मान्य केली आहे आणि आता यावर पुढील सुनावणीची गरज नाही.

टीम इंडियाने शुक्रवारी झालेल्या या सामन्यात कर्णधार शिखर धवनचे तीन धावांनी शतक हुकले. त्याने 99 चेंडूत 97 धावांची खेळी खेळली. यादरम्यान शिखरने 10 चौकार आणि तीन षटकार मारले. धवन आणि शुभमन गिलच्या 64 आणि श्रेयस अय्यरच्या अर्धशतकाच्या जोरावर भारताने 50 षटकांत 7 गडी गमावून 308 धावा केल्या. प्रत्युत्तरात विंडीजचा संघ 6 बाद 305 धावाच करू शकला आणि 3 धावांनी सामना गमावला.