World Cup 2023 Keshav Maharaj : श्वास रोखून धरायला लावणाऱ्या सामन्यात अंतिम क्षणी मोहम्मद नवाझचा चेंडू केशव महाराजने सीमापार धाडला आणि दक्षिण आफ्रिकेने पाकिस्तानवर सनसनाटी विजय मिळवला. त्यानंतर भरमैदानात महाराजने केलेला जल्लोष सर्वांचे लक्ष वेधून घेत होता.
या थरारक विजयानंतर केशव महाराजने इंस्टाग्रामवर केलेली पोस्टही लक्षवेधक ठरली. देवावार आपला विश्वास आहे, असे म्हणत 'ओम'चा तर उल्लेख केलाच; त्याचबरोबर जय श्री हनुमान, असेही म्हणत नमन केले.
दक्षिण आफ्रिकेचा प्रमुख फिरकी गोलंदाज आणि तेवढाच भरवशाचा फलंदाज असलेला केशव महाराज हिंदू असून त्याच्या कुटुंबाची मुळे भारतात रुजलेली आहेत. भारतात आल्यावर तो दक्षिणेकडील सर्व मंदिरांत जाऊन नमन करत असतो.
पाकविरुद्धच्या सामन्यात आफ्रिकेला विजयासाठी धावांची गरज असताना महाराजने अंतिम फलंदाज शम्सीसह धैर्याने फलंदाजी केली आणि विजयी चौकार मारल्यानंतर जल्लोष केला. त्यानंतर भरमैदानात तो हनुमानाचे आभार मानताना दिसत होता. केशवला गोलंदाजीत एकही विकेट मिळवता आली नसली, तरी फलंदाजीत केलेल्या नाबाद सात धावा सामन्याचा निकाल बदलणाऱ्या ठरल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.