WTC Final Race : डँरैल मिशेलचे शतक आणि मॅट हेन्रीच्या ७२ धावांच्या जोरावर न्यूझीलंडने श्रीलंकेवर उलटवार केला आणि हा पहिला कसोटी सामना जिंकण्याची स्थिती निर्माण केली. १८ धावांची आघाडी घेतल्यानंतर तिसऱ्या दिवसअखेर श्रीलंकेची ३ बाद ८३ अशी अवस्था केली. हा सामना न्यूझीलंडने जिंकला किंवा अनिर्णित राहिला तरी भारताचा जागतिक कसोटी अजिंक्यपद अंतिम सामन्यातील प्रवेश निश्चित होणार आहे.

श्रीलंकेच्या पहिल्या डावातील ३५५ धावांना सामोरे जाताना न्यूझीलंडची ६ बाद १८८ अशी अवस्था झाली होती; परंतु मिशेलचे शतक हेन्रीची अर्धशतकी खेळी आणि तळाच्या फलंदाजांनी दिलेल्या मौल्यवान योगदानामुळे न्यूझीलंडने ३७३ धावा केल्या. दिवसअखेर श्रीलंकेने ३ फलंदाज ८३ धावांत गमावल्यामुळे आता त्यांच्याकडे ६५ धावांचीच आघाडी आहे.

आज तिसऱ्या दिवशी खेळ सुरू झाला तेव्हा मिशेल ४०; तर ब्रेसवेल ९ धावांवर खेळत होते. ब्रेसवेल लगेचच बाद झाल्यामुळे न्यूझीलंडवरचे दडपण वाढले; मात्र कर्णधार साऊदीने मिशेलला साथ देत अर्धशतकी भागीदारी केली.

संक्षिप्त धावफलक : श्रीलंका, पहिला डाव : ३५५

न्यूझीलंड, पहिला डाव १०७.३ षटकांत ३७३ (टॉम लॅथम ६७, डेव्हन कॉन्वे ३०, डॅरेल मिशेल १०२, मिशेल ब्रेसवेल २५, टिम साऊदी २५, मॅट हेन्री ७२, निल वँगनर २७, कासून रजिता ३१-१०-१०४-२, असिता फर्नांडो २९.३-५-८५-४, लाहिरू कुमारा २५-५-७६-३).

श्रीलंका, दुसरा डाव : ३८ षटकांत ३ बाद ८३