Yoga For Hair Fall Issues : केसगळतीची समस्या ही आता सर्वसामान्य झाली आहे. रोजचे धावपळीचे जीवन, वाढते प्रदूषण आणि आरोग्याकडे दुर्लक्ष ही केसगळती होण्यामागची मुख्य कारणे आहेत. बिघडलेली जीवनशैली आणि पौष्टिक घटकांचा आहारात समावेश नसणे यामुळे केसांचे आरोग्य बिघडू शकते.

केस कमजोर होणे, पातळ होणे आणि प्रचंड प्रमाणात केसगळती होणे या समस्या सध्या सर्व महिला वर्गाला भेडसावत आहेत. यावर मग अनेक उपाय केले जातात. मात्र, विविध प्रकारची योगासने केसगळती रोखण्यासाठी फायदेशीर आहेत हे आपल्यातील बऱ्याच जणींना माहित ही नसेल.

आज आपण अशाच काही योगासनांबद्दल जाणून घेणार आहोत, ज्यामुळे आपली केसगळती तर थांबू शकते शिवाय आपल्या आरोग्याला ही याचे अनेक फायदे आहेत. चला तर मग जाणून घेऊयात या योगासनांबद्दल.

१.शीर्षासन

शीर्षासन हे योगासन सर्व योगासनांमध्ये अतिशय फायदेशीर असलेले योगासन आहे. या योगासनाचा सराव केल्याने मेंदूतील रक्तप्रवाह सुरळीत होतो आणि केसांची वाढ सुधारते. ज्या महिलांना केसगळतीची समस्या आहे, ज्यांचे केस पांढरे होत चालले आहेत, अशा महिलांनी हे योगसन नियमित करावे.

हे योगासन करण्यासाठी दोन्ही हात डोक्याच्या मागे घ्या मग खाली वाकून डोके खाली ठेवा. त्यानंतर, दोन्ही पाय वरच्या बाजूला न्या. डोक्यावर उभे राहिल्यानंतर शरिराचे योग्य संतुलन राखा आणि सरळ व्हा.

२. त्रिकोणासन

त्रिकोणासन हे आसन फक्त केसांसाठी नाही तर आपला ताण-तणाव कमी करण्यासाठी देखील फायदेशीर असे आहे. केस वारंवार पांढरे होत असतील, केस रूक्ष झाले असतील तर हे योगासन नियमितपणे करा. (Lifestyle)

हे योगासन करताना दोन्ही पाय काही अंतरावर ठेवून उभे रहा. त्यानंतर तुमचे दोन्ही हात आणि खांदे सरळ रेषेत ठेवून ते वरच्या दिशेने करा. उजव्या बाजूला वाकून, उजव्या हाताने पायाला स्पर्श करा. आता तुमचा डावा हात आकाशाकडे वर करा आणि दुसऱ्या बाजूने ही प्रक्रिया पुन्हा करा.

३. उत्तानासन

उत्तानासन याचा रोज नियमितपणे सराव केला तर तुमच्या केसांच्या समस्या कमी होण्यास नक्कीच मदत मिळेल. हे योगासन करण्यासाठी तुम्ही सरळ उभे रहा, आता एक दीर्क्ष श्वास घ्या आणि दोन्ही हात वरच्या दिशेने न्या आणि श्वास सोडा. (Hair Fall) त्यानंतर दोन्ही हात जमिनीच्या दिशेने खाली न्या आणि पायाच्या बोटांना स्पर्श करण्याचा प्रयत्न करा.