Akshay Tritiya 2024 :

अक्षय तृतीया हा हिंदूंच्या प्रमुख सणांपैकी एक आहे. हा दिवस सर्व शुभ कार्यांसाठी चांगला मानला जातो. ग्रामिण भाषेत या सणाला आकिती म्हणूनही ओळखतात.

या दिवशी लक्ष्मी, भगवान विष्णू आणि कुबेर देव यांची पूजा करण्याची परंपरा आहे. अक्षय्य तृतीया वैशाख महिन्यातील शुक्ल पक्षाच्या तिसऱ्या दिवशी साजरी केली जाते. यावर्षी अक्षय तृतीया 10 मे रोजी साजरी केली जाणार आहे.

दोनच दिवसांनी अक्षय तृतीया साजरी होणार आहे. यावेळी अक्षय्य तृतीया खूप खास असणार आहे, कारण यावेळी अक्षय्य तृतीया शुक्रवारी साजरी होणार आहे. हिंदू धर्मात शुक्रवार हा दिवस लक्ष्मीला समर्पित केला जातो. या दिवशी देवीची उपासना केल्याने शुभ फल प्राप्त होते.

या दिवशी तुम्ही देवी लक्ष्मीची पूजा केली तर तुम्हाला हवे असलेले फळ प्राप्त होईल. तर आज आपण माता लक्ष्मीची अक्षय तृतीया दिवशी पूजा कशी करावी हे आपण जाणून घेऊयात.

देवी लक्ष्मीच्या पूजेसाठीचा मुहूर्त

पहाटे 5 वाजून 13 मिनिटांपासून सकाळी ११ वाजून ४३ मिनिटांपर्यंत तुम्ही माता लक्ष्मीची पूजा करू शकता.

पूजेची मांडणी कशी करावी?

• सकाळी लवकर उठून स्नान करावे

• त्यानंतर पूजा मांडणार आहात ती जागा स्वच्छ करावी

• एका पाटावर लाल किंवा पिवळे कापड अंथरावे

• त्यावर माता लक्ष्मी, भगवान विष्णू, गणपती आणि कुबेर देवांचा फोटो मांडावा

• फोटोंना स्वच्छ पुसून घ्या, हळद, कुंकू चंदनाचा टिळा लावावा

• फोटोला हार घालावे आणि समोर अक्षता, दुर्वा, पान-सुपारी ठेवावी

• माता लक्ष्मी, भगवान विष्णू, गणपती आणि कुबेर यांना वंदन करावे

• त्यानंतर माता लक्ष्मीचा जप, कनकधारा स्तोत्र, श्री विष्णू नामावली,कुबेर चालीसा म्हणावी.

• देवांजवळ अगरबत्ती, धूप लावावे

• देवीला बत्ताशे, खीर, मखाणे, लाह्यांचा नैवेद्य दाखवावा.

• हा प्रसाद घरातील सर्वांनी ग्रहन करावा

माता लक्ष्मीचा मंत्र

ऊँ महालक्ष्म्यै नमो नमः । ऊँ विष्णुप्रियायै नमो नमः ।।

ऊँ धनप्रदायै नमो नमः । ऊँ विश्वजन्नयै नमो नमः ।।