Lifestyle News : धूळ, माती आणि प्रदूषणामुळे त्वचा तसेच केसांचे आरोग्य धोक्यात येते. त्वचा व केसांचे नुकसान होऊ नये, याकरिता योग्य पद्धतीने निगा राखणे गरजेचं आहे. केसगळतीचीही समस्या निर्माण होऊ नये, यासाठी केसांना तेल लावणंही तेवढंच गरजेचं आहे. 

त्याचबरोबर केसांना तेल लावण्याची पद्धत माहीत असेल तेव्हाच फायदे मिळतील. या लेखाच्या माध्यमातून आपण केसांना तेल लावण्याच्या योग्य पद्धतीचीही माहिती जाणून घेणार आहोत. चला तर जाणून घेऊया सविस्तर माहिती…

केसांना तेल कधी लावावे?  

केसांना तेल कधी लावावे? याबाबत कोणतेही वैज्ञानिक प्रमाण नाहीय. लोकांच्या समजुतीनुसार, रात्री झोपण्यापूर्वी केसांना तेल लावणे फायदेशीर मानले जाते. याशिवाय शॅम्पू करण्याच्या काही तास आधीही केसांना तेल लावणेही फायदेशीर मानले जाते. पण काही लोक केस धुतल्यानंतर तेल लावतात, पण ही सवय योग्य नाही कारण असे केल्याने केसांवर धूळ जमा होते.  

केसांना तेल लावण्याची योग्य पद्धत 

• केसांवर तेल लावण्यापूर्वी तेल हलक्या स्वरुपात गरम करून घ्यावे

• तेल थोडेसे थंड झाल्यानंतर बोटांच्या मदतीने तेल केसांना लावा व हलक्या स्वरुपात मसाज करा.

• जवळपास १० ते १५ मिनिटे केसांचा मसाज करावा. 

• केवळ स्कॅल्पलाच तेल लावू नये तर मुळांसकट संपूर्ण केसांना तेल लावावे. 

• तेल लावताना टाळू कधीही रगडू नये. यामुळे केसांचे नुकसान होते. 

• मसाज केल्यानंतर कोमट पाण्यात बुडवलेल्या टॉवेलनं केस १० मिनिटे बांधून ठेवा. 

• यामुळे टाळूच्या त्वचेवरील छिद्रे मोकळी होतात, ज्यामुळे त्वचा तेल शोधून घेते. 

• यानंतर तासाभरानंतर सौम्य शॅम्पूने केस स्वच्छ धुऊन घ्यावेत. 

• शक्य असल्यास आठवड्यातूम दोन ते तीन वेळा केसांना तेल लावावे. 

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.