Clove Tea Benefits : छान आणि मुलायम त्वचा कोणाला नको असते? आपल्या चेहऱ्यावरती येणारे पिंपल्स कोणालाही आवडत नाहीत. त्यामुळे सगळेच ते येऊ नयेत यासाठी प्रयत्न करत असतात. अनेक मुली यासाठी वेगवेगळ्या कॉस्मेटिक प्रोडक्टसचा वापर करतात. पण जर हे काम आपल्या घरातले काही पदार्थ करू शकतात, असं तुम्हाला कळलं तर? होय, आपल्या स्वयंपाकघरात असलेले मसाले फक्त जेवण चविष्ट बनवत नाहीत तर आपल्या दैनंदिन आयुष्यातल्या कित्येक समस्यांना खूप सुंदर औषध सुद्धा असतात.

लवंग हा असाच एक खडा मसाला आहे जो प्रत्येकाच्या स्वयंपाकघरात असतोच आणि लवंग ही आपल्या तब्बेतीसाठी खूप चांगली सुद्धा असते, लवंग ही आपले वजन कमी करण्यात मदत करते, त्याचे दाहक-विरोधी आणि अँटी-बॅक्टेरियल गुणधर्म पचन सुधारण्यास मदत करतात आणि इतर आरोग्यविषयक आजारांपासून आराम देतात. जर तुम्ही चहाप्रेमी असाल तर लवंग चहा एक उत्तम पर्याय असू शकतो.

बघूयात लवंग चहाची रेसिपी

साहित्य

लवंगा - ३

पाणी - 1 कप

कृती:

- पातील्यात एक कप पाणी घाला आणि त्यात लवंगा घाला आणि ते चांगले उकळवा.

- 3-4 मिनिटांनी गॅस बंद करा.

- ते कपमध्ये गाळून घ्या.

- जर तुम्हाला गोड चहा आवडत असेल तर त्यात मध घाला

लवंग चहाचे फायदे

1) हिवाळ्यात शरीराला उबदार ठेवण्यासाठी लवंग अत्यंत प्रभावी ठरते. लवंगच्या नियमित सेवनामुळे घसा खवखवणे, जळजळ होणे, खोकला, सर्दी यापासून आराम मिळतो.

2) लवंगात अँटि-ऑक्सिडेंट असतात जे शरीराची रोगप्रतिकारकशक्ती वाढवतात.

3) वजन कमी करायचे असेल तर लवंगाचा चहा मोठ्या प्रमाणात उपयुक्त ठरू शकतो.

4) लवंगाचा चहा नियमित घेतल्यास शरीरातील पचनक्रिया सुधारते

5) शरीर उर्जावान व तंदुरुस्त ठेवण्यासाठी लवंग प्रभावी ठरते.

6) दात दुखत असतील, हिरड्यांना सूज येत असेल तर त्यावरही लवंगाचा चहा प्रभावी काम करतो.

7) लवंग चहाने त्वचेशी संबंधित सर्व समस्या दूर होतात.

8) लवंगाचा चहा पोटदुखी, ब्लोटींग आणि मळमळ इत्यादींसाठी मदत करतो.

9) जर तुम्ही मुरुम, डाग, तेलकट त्वचा किंवा पिंपल्स यांनी त्रस्त असाल तर लवंग आणि कॅमोमाइल चहाचे नियमित सेवन केल्याने खूप फायदे होतील.

10) लवंगामध्ये अँटिसेप्टिक गुणधर्म देखील असतात जे त्वचेच्या समस्यांवर उपचार करण्यास आणि शरीरातील विषारी पदार्थ काढून टाकण्यास मदत करतात. हे ऑक्सिडेटिव्ह तणाव कमी करण्यास देखील मदत करू शकते, ज्यामुळे सुरकुत्या, वयाचे डाग आणि डाग कमी होऊ शकतात.

11) लवंगामध्ये व्हिटॅमिन-ई आणि व्हिटॅमिन-के असतात जे बॅक्टेरियाच्या संसर्गाशी लढण्यास मदत करतात. हे आपल्या शरीराच तापमान कमी करायला मदत करतात.