वाढत्या कोरोनामुळे (Corona) काहींचे ऑफिसला जाणे पुन्हा एकदा बंद झाले आहे. काही महिन्यांपूर्वी कोरोनापासून (Corona) दिलासा मिळाल्यानंतर लोकांनी ऑफिसमध्ये (Office) जाण्यास सुरुवात केली होती, मात्र पुन्हा कोरोना रुग्णसंख्येत वाढ होत असल्याने सरकारने घरून काम सुरू करण्याचे आदेश दिले. अशा परिस्थितीत काहीजण घरून ऑफिसची कामे करत आहे. एकीकडे लोक घरून काम करून कोरोनापासून सुरक्षित आहेत, तर दुसरीकडे वर्क फ्रॉम होममुळे (Work From Home) लोक प्रचंड नाराज झाले आहेत. कारण जेव्हा तुम्ही घरून काम करता तेव्हा तुम्हाला तुमच्या कामातून कधीच ब्रेक मिळत नाही. तुमचे वरिष्ठ तुम्हाला नेहमी कामात व्यस्त ठेवतात. त्यामुळे आता प्रत्येकजण या वर्क फ्रॉम होममुळे हैराण झाला आहे.

एका नववधूचा (Bride) व्हिडिओ सोशल मीडियावर (Social Media) व्हायरल होत आहे. ज्यामध्ये ती लॅपटॉप (Laptop) घेऊन बसलेली दिसतेय आणि लग्नाच्या दिवशीही ऑफिसचे काम करतीय. व्हिडीओमध्ये तुम्ही बघू शकता की नववधू तयार होत आहे ती लॅपटॉप घेऊन बसली आणि फोनवर तिच्या वरिष्ठांशी कामाबद्दल बोलतीय. ती देखील खूप अस्वस्थ दिसते. पुढे तुम्हाला दिसेल की नववधू लग्नासाठी पूर्णपणे तयार झालेली आहे आणि तरीही ती लॅपटॉप घेऊन तिच्या वरिष्ठांशी कामाबद्दल बोलत आहे आणि सर आज माझे लग्न आहे, आज मी हे काम करू शकणार नाही असे नाराज होऊन सांगताना दिसतेय.

हा व्हिडीओ पाहिल्यानंतर तुम्हाला समजले असेलच की वर्क फ्रॉम होममुळे लोकांचे काय हाल झाले आहेत आणि लोक कसे नाराज झाले आहेत. वर्क फ्रॉम होममुळे लोकांना कमी सुट्ट्या मिळत आहेत. हा व्हिडिओ इन्स्टाग्रामवर शेअर करण्यात आला असून सोशल मीडियावर चांगलाच व्हायरल होत आहे. व्हिडिओवर लोक मजेशीर कमेंटही करत आहेत. एका यूजरने लिहिले, मला भीती वाटतेय की माझ्या लग्नात माझ्यासोबत असेच घडू नये. यावेळी दुसर्‍या युजरने लिहिले की, बिचारी.