Dressing Tips : कमी उंचीच्या महिला वेस्टर्न वेअरमध्ये खूप सुंदर दिसतात. पण कधी कधी पारंपारिक प्रसंगी पारंपारिक ड्रेसही घालावे लागतात. मग अशावेळी एथनिक कपडे घातल्यानंतर शॉर्ट महिलांची उंची आणखी कमी दिसते. म्हणून यावर उपाय म्हणून अनेक महिला सलवार सूट घातल्यानंतर इच्छेविरुद्ध हाय हिल्स घालतात.

सलवार सूटमुळे महिलांचा पारंपारिक लुक कंम्प्लिट होतो खरा पण त्यांना हाय हिल्स घातल्याने त्रास होतो. जर तुमची उंची कमी असेल तर तुम्हाला स्टायलिश डिझायनर सूट घातलेल्या उंच मुलींना पाहून निराश होण्याची गरज नाही. आम्ही तुम्हाला सलवार सूट घालण्याच्या काही टिप्स सांगणार आहोत, ज्याचे पालन करून तुम्ही हिल्स न घालता उंच आणि सुंदर दिसू शकता.

डार्क कलारचा ड्रेस ट्राय करा

हलक्या रंगाचा सलवार सूट घातल्यास महिलांची उंची लहान दिसते. जर तुमची उंची कमी असेल, तर डार्क रंगाचा ड्रेस घालणे तुमच्यासाठी योग्य आहे. दुसरीकडे, काळा, गडद निळा आणि मरून अशा गडद रंगांचा सलवार सूट घातल्याने तुमचा लूक टॉल दिसतो. म्हणून आपल्यावर सुट होणाऱ्या डार्क रंगाचा सलवार सुट ट्राय करा.

फुल स्लीव्ह वापरा

आजकाल पफ आणि कट स्लीव्हज असलेले सलवार सूट खूप ट्रेंडिंग आहेत. परंतु कमी उंचीच्या महिलांनी पूर्ण आणि ¾ स्लीव्ह सूट घालावे. फुल स्लीव्ह घातल्याने तुमची उंचीही अधिक खुलून दिसते.

वर्टिकल प्रिंट

हॉरिजॉन्टल प्रिटं असलेले सलवार सूट स्त्रियांना खूप आवडतात. अनेकदा महिला वेगवेगळ्या रंगाचे हॉरिजॉन्टल प्रिटं सुट घालताना दिसतात. पण त्यामुळे महिलांची उंची कमी दिसू लागते. म्हणून कमी उंचीच्या महिला वर्टिकल प्रिंटचा सलवार सूट घालून टॉल लूक कॅरी करू शकतात.

फॅब्रिक सुटचा वापर करा

सलवार सूटचे फॅब्रिक देखील तुमची उंची दर्शविण्यास मदत करते. कमी उंचीच्या महिलांसाठी मखमली, जॉर्जेट आणि शिफॉनचे कपडे घालणे हा एक चांगला पर्याय आहे. यामुळे तुमची उंची दिसून येते.