Dry Skin Care : आक्टोबर महिना संपायला येताच थंडीची चाहूल लागायला सुरुवात झाली आहे. थंडीमध्ये ड्राय स्किनची समस्या जाणवते. अशात स्किनला हायड्रेट ठेवण्यासाठी काही खास टिप्स फॉलो करायला हव्यात. योग्य आहार आणि पुरेसे पाणी पिणे यावर योग्य उपाय ठरू शकतो. बहुतांश लोकांना सकाळी उठल्याबरोबर चेहऱ्यावर ताण जाणवतो. अशावेळी तुम्ही या काही उपायांचा अवलंब करू शकता.

सकाळी चेहऱ्यावर ड्रायनेस जाणवल्यास करा हे उपाय

सकाळी चेहऱ्यावर फार जास्त ताण जाणवत असेल तर सगळ्यात आधी चेहरा पाण्याने धुवून घ्या. नंतर हलक्या हाताने चेहरा पुसून घ्या. आता कोकोनट ऑइल हातावर घ्या आणि चेहऱ्यावर लावा. तुम्ही या तेलाऐवजी तुपाचासुद्धा वापर करू शकता. यात असलेला तेलकटपणा चेहऱ्यावरील ड्रायनेस घालवण्यास मदत करतात.

ड्राय स्किन आणि ताण कमी करण्यासाठी तुम्ही मलाईचा वापरसुद्धा करू शकता. यासाठी फ्रेश मलाई घ्या. मलाई हातावर घेत चेहऱ्यावर लावा. यामुळे चेहऱ्यावरील ड्रायनेस कमी होतो.

तुम्ही चेहऱ्यासाठी मधाचाही वापर करू शकता. यात अनेक व्हिटॅमिन्स असतात जे स्किनला मॉश्चराइज करतात. एक चमचा मध हातावर घेऊन चेहऱ्याला लावा. नंतर कोमट पाण्याने चेहरा धुवून घ्या.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.