एक कंप्लिट लुक त्यालाच म्हणता येईल ज्यावर परफेक्ट सॅंडल असतील. कारण, कोणताही लुक केला तरी त्यावर परफेक्ट अशा चपला, हिल्स, सॅंडलही मॅचिंग लागतात. हिल्सबद्दल बोलायचं झालं तर हिल्स उंची कमी असलेल्या मुलींसाठी  वरदानच आहे.

परफेक्ट आउटफिटवर स्टाइल करताना हिल्स कॅरी केल्याने लूक अधिक प्रभावी होतो. मुलींना फुटवेअरमध्येही अनेक पर्याय आहेत. शूज, टाच, मोजरी, बूट इ. पण कमी उंचीच्या मुली अनेकदा उंच दिसण्यासाठी हील्स घालतात. हील्स कमी उंचीच्या तरूणींना उंच दिसण्यास मदत करते.

लग्नसोहळा असो वा कोणताही फंक्शन मुलींना इतरांपेक्षा  वेगळे दिसायचे असते. त्यातही कमी उंचीच्या मुलींना उंच दिसायचे असते. त्यासाठी त्या हिल्सचा पर्याय निवडतात. पण, नेहमी हिल्स घालणे काहीजणींना त्रासदायक ठकते.

हिल्समुळे टाच, पाय दुखण्याचा त्रासही होतो. तसेच, तरूणींना पडण्याचीही भिती असते. त्यामूळे हा पर्याय ट्रेंडी असला तरी सर्वचजण याचा विचार करतील असे नाही. पण, तरीही उंच दिसण्यासाठी काही वेगळे आणि सोपे पर्याय आहेत. ते कोणते पाहुयात़

उंच दिसण्यासाठी तुम्हाला हील्स घालण्याची गरज नाही. तुम्ही तुमच्या आउटफिटमधूनही उंच दिसू शकता. म्हणूनच कमी उंचीच्या मुली सलवार कमीज स्टाईल करू शकतात.

रंगाकडे लक्ष द्या

उंची कमी आणि वजन जास्त असेल तर तुम्ही काळ्या रंगाचा आउटफिट घालू शकता. गडद निळा, मरून फॅब्रिक असे काळे किंवा गडद रंग निवडून तुम्ही उंच दिसू शकता.यामध्ये तूमचे वजन जास्त उठून दिसत नाही.

फुल स्लीव्हज

उंच दिसण्यासाठी तुमच्या ड्रेसच्या स्लीव्हजही मदत करू शकतात. कमी उंचीच्या मुलींनी लांब बाही, अर्ध बाही असलेले कपडे घालावेत.

प्रिंट डिझाइन

फॅब्रिकच्या प्रिंटचा देखील तुम्हाला उंच दिसण्यावर खोलवर परिणाम होतो. उंच दिसण्यासाठी, लांब पट्टेदार प्रिंट असलेले पोशाख घाला. सूट घातल्यास प्रिंटेड कुर्ता किंवा शर्टसोबत साधी पँट घालू शकता.

कुर्त्यांची उंची

जर तुमची उंची कमी असेल तर कुर्त्याची लांबी गुडघ्यापर्यंतच ठेवा. उंची कमी असलेल्या मुलींवर खूप लहान आणि खूपच मोठे कुर्ते उठून दिसत नाहीत.