मुंबई : प्रत्येक गोष्ट माणूस कधी ना कधी पहिल्यांदाच करत असतो. पहिल्या वेळचा अनुभव चांगला असेल तर तो पुन्हा-पुन्हा ती गोष्ट करत राहातो.

चुंबन घेण्याचंही असंच आहे. पहिल्यांदा किस करताना मनात थोडी धाकधूक असते. अशा वेळी काही चुका घडल्यास तुमचा पहिल्या किसचा अनुभव वाईट असू शकतो. कदाचित मग तो अनुभव घेण्याची संधी तुम्हाला पुन्हा कधी मिळणार नाही.

पहिला अनुभव चांगला व्हावा यासाठी काही गोष्टींची काळजी घेणे आवश्यक आहे. हेही वाचा - मेडिकल मॅनेजमेंटही हृदयविकारावर ठरु शकते उपाय

• तुमचे ओठ कोरडे किंवा फाटलेले नाहीत ना याची खात्री करून घ्या. यासाठी नियमितपणे लिपबाम वापरा.

• प्री-किस टच-अपसाठी लिप बाम हातात ठेवा.

• तोंडाला वास येऊ नये म्हणून किस करण्याआधी दात घासून घ्या. माऊथ फ्रेशनरही वापरू शकता.

• जोडीदाराची तयारी आहे का याची माहिती घ्या. दोघांच्याही संमतीशिवाय किस करण्याची घाई करू नका.

• सार्वजनिक ठिकाणी असे कृत्य केल्यास अडचण होऊ शकते. त्यापेक्षा एकांत मिळेल अशी जागा शोधा.

• आधी जोडीदाराच्या जवळ जाऊन नजरेला नजर द्या आणि त्याची तयारी असल्याबद्दल थेट विचारणा करा. तुमच्यातला संवाद तुम्हाला आणखी जवळ आणेल.

• आधी कपाळावर, गालांवर चुंबन घ्या जेणेकरून दोघांचीही मानसिक तयारी होईल.

• पहिल्याच वेळी फार ताकद लावून किंवा खूप वेळासाठी किस करणे टाळा. तुमचे ओठ जोडीदाराच्या ओठांवर हलकेच टेकवा.

• एकाएकी पूर्ण किस करण्यापेक्षा थोडे थांबून पुन्हा किस करा.

• हे करत असताना जोडीदाराला आणि तुम्हालाही आनंद मिळत आहे का याचे निरीक्षण करा.

• बराच वेळ उभं राहण्याची तयारी नसेल तर दोघांसाठी सोयीची जागा आणि स्थिती निवडा.

• पहिल्या किसचे व्हिडिओ शूटिंग किंवा फोटो काढायचा असेल तर दोघांची संमती आवश्यक आहे. जोडीदाराची संमती नसल्यास तसे करू नका.

• किस करून झाल्यानंतर मारलेली एखादी मिठी तुमचा अनुभव पूर्णत्वास नेईल.