Gandhi Jayanti 2023 : महात्मा गांधीच्या कार्याची प्रचिती सर्वत्र होत असते. त्यांनी देशासाठी दिलेल्या योगदानाचे आजही जगभरातून कौतुक होताना दिसते. मात्र गांधीजींच्या आहाराविषयी फार कमी लोकांना माहिती आहे. गांधीजींचा आहार फार साधा होता. त्यांच्या खाण्यापिण्याच्या सवयींची कडक शिस्त होती. गांधीजींना जास्त तेल, मसाले आणि मीठाचे पदार्थ आवडत नसे.

गांधीजींचा जन्म गुतराती कुटुंबात झाला होता. त्यांचा मांसाहारास विरोध होता. विदेशात असतानासुद्धा गांधीजी मांसाहार करत नव्हते. इंग्लंडमध्ये शिकण्यासाठी जाताना गांधीजींनी कधीही मांसाहार करणार नाही असे वचन दिले होते. यासाठी अनेकदा ते विदेशात साधे जेवण न मिळाल्यास उपाशीसुद्धा राहायचे.

मीठ आणि डाळीचे सेवन अगदी कमी करायचे

गांधीजींच्या जेवणात मीठ आणि डाळीचे प्रमाण अगदी कमी म्हणजे नसल्यासारखेच होते. याशिवाय त्यांच्या मते, कमकुवत शरीर असलेल्या लोकांनी डाळीचे सेवन करू नये. याबाबत त्यांनी त्यांच्या आत्मकथेतसुद्धा सांगितले आहे. त्यांच्या आत्मकथेत असा देखील उल्लेख आहे की जेव्हा कस्तुरबा यांची प्रकृती बिघडली होती तेव्हा त्यांनी मीठ आणि डाळीचा त्याग करण्याचा आग्रह केला होता.

भाज्या आणि फळांचे सेवन

गांधीजींना फळे खायला फार आवडायचे. ते प्रत्येक फळांची चव घ्यायचे.

गांधीजी ड्राय फ्रूट्ससुद्धा खायचे

गांधीजींना ड्राय फ्रूट्सपण फार आवडायचे. ड्राय फ्रूट्स फक्त कोरडेच नाही तर त्यांना भात किंवा बिर्याणीसोबतही खायला आवडायचे.

दूधाचे सेवन टाळायचे

महात्मा गांधी यांच्या मते, 'मनुष्य केवळ आईचे दूध हक्काने पिऊ शकतो. तेव्हा त्याने फक्त आईच्याच दूधाचे सेवन करावे आणि प्राण्यांच्या दूधाचे सेवन टाळावे. ज्याप्रमाणे मांसाचे सेवन टाळावे त्याचप्रमाणे दूधाचे सेवनही टाळावे.' (Mahatma Gandhi)

गांधीजी या कच्च्या पदार्थांचे सेवन करायचे

अकुरलेले गहू ८० ग्राम

कुटलेले बदाम ४० ग्राम

सगळे बदाम १० ग्राम

हिरव्या भाज्या (काकडी १६० ग्राम)

लिंबू २० ग्राम

मध ४० ग्राम