Makeup Remover : लग्नात फुल मेकअप करणाऱ्या, सजून धजून मिरवणाऱ्या तरूणी दिवसाच्या शेवटी मात्र मेकअप काढण्याचा कंटाळा करतात. त्यामुळे थेट पाणी मारून चेहऱ्याला साबण, फेसवॉश लावून मेकअप काढणाऱ्या अनेक तरूणी आहेत. पण, त्यामुळे चेहऱ्याचे नुकसानच होते.

ज्यावेळी आपण मेकअप करतो त्यावेळी तुम्ही तुमच्या चेहऱ्यावरील मेकअप कसे काढता. कारण मेकअप पुसट झाला किंवा तो काढण्याची गरज काय असे तुम्हाला वाटत असेल तर तुम्ही चुकी करताय. कारण तुम्ही केलेल्या मेकअपमुळे चेहऱ्याला हानी पोहचू शकते.

रोजच्या मेकअपमुळे त्वचेत पॅराबेन्ससारखे हानिकारक रसायन प्रवेश करतात. मेकअप जास्त काळ त्वचेवर राहिल्यास त्यामुळे अॅलर्जी होऊ शकते. त्वचेनुसार मेकअप नसला तरी त्वचेचा पीएच डिस्टर्ब होतो. जर तुमची त्वचा कोरडी असेल तर पावडरचा फाउंडेशन लावल्याने देखील पुरळ आणि खाज सुटते.

जर तुम्ही मेकअप प्रेमी असाल तर तुम्ही अनेकदा मेकअप करत असाल. अशा परिस्थितीत जर तुमचा मेकअप रिमूव्हर संपला असेल तर आज आम्ही घरीच सोप्या पद्धतीने मेकअप रिमूव्हर बनवण्याची पद्धत घेऊन आलो आहोत. अनेकदा डोळ्यांचा मेकअप काढण्यासाठी डोळ्यांना बराच वेळ घासावे लागते.

ज्यामुळे तुमच्या डोळ्यांनाही नुकसान होऊ शकते. अशा परिस्थितीत हे घरगुती मेकअप रिमूव्हर मेकअप देखील सहज काढून टाकतात आणि तुमचे डोळे जास्त चिकट किंवा तेलकट होत नाहीत, तर चला जाणून घेऊया घरी मेकअप रिमूव्हर वाइप्स कसे बनवायचे.

रोझ वॉटर रिमूव्हर वाइप्स

यासाठी अर्धा कप गुलाब पाण्यात अर्धा चमचा बदाम तेल आणि व्हिटॅमिन ईच्या 2 कॅप्सूल मिसळा. मग हे मेकअप रिमूव्हर एका छोट्या बॉक्समध्ये भरून साठवा. यामुळे तुमच्या डोळ्यांचा मेकअप सहज स्वच्छ होतो.

कोरफड

यासाठी एक वाटी घ्या आणि त्यातील एक तृतीयांश पाणी भरा. मग तुम्ही त्यात एक चतुर्थांश कोरफड वेरा जेल टाका. यानंतर त्यात एक चमचा भाज्या ग्लिसरीन घालून मिक्स करा. त्यानंतर तुम्ही त्यात कॉटन वाइप्स किंवा कॉटन बॉल्स टाकून डोळ्यांचा मेकअप स्वच्छ करा.

जोजोबा ऑइल रिमूव्हर वाइप्स

जोजोबा तेलाला नैसर्गिक मेकअप रिमूव्हर म्हणूनही ओळखले जाते. विशेषतः डोळ्यांचा मेकअप स्वच्छ करणे चांगले. यासाठी एका बाटलीत थोडे गुलाबजल आणि जोजोबा तेल मिसळा. त्यानंतर तुम्ही डोळ्यांचा मेकअप काढा.

बेबी ऑईल

तुमच्या त्वचेसाठी बेबी ऑईल हे सगळ्यात उत्तम आहे. तुम्हाला मॉश्चरायझर लावायचे नसेल तर तुम्ही तुमच्या चेहऱ्याला बेबी ऑईल लावून देखील तुमचा चेहरा स्वच्छ करु शकता. बेबी ऑईल लावल्यानंतर तुम्ही चेहऱ्यावर मसाज केला तरी तुमचा मेकअप निघेल.

खोबरेल तेल

घरात अगदी सहजपणे उपलब्ध असणारी गोष्ट म्हणजे खोबरेल तेल. याचा उपयोग करुनही तुम्ही तुमचा मेकअप काढून टाकण्यासाठी करू शकता. खोबरेल तेल वापरल्यामुळे तुम्हाला कोणतेही नुकसान होत नाही. त्यामुळे तुम्ही अगदी सहज मेकअप उतरवू शकता.

आजकाल No Makeup Look फार ट्रेंडमध्ये आहे. त्यामुळे घरगुती टिप्सनेच त्वचा निरोगी ठेवा. कमीतकमी मेकअप करा. रोज मेकअप करावा लागला तरी कमीत कमी मेकअप करता येतो.

No Makeup Look साठी या टिप्स फॉलो करा

• स्किन प्रेप केल्यानंतर आपल्या पिगमेंटेड एरियात हलका कंसीलर लावा.

• तुमची आवडती लिपस्टिक लावा.

• न्यूड आय मेकअपही करता येतो.

• कोणतीही ऍलर्जी किंवा रिअॅक्शन असल्यास, ते ताबडतोब काढून टाका.