'बोस्टन यूनिवर्सिटी स्कूल ऑफ पब्लिक हेल्थ' (BSPH) च्या संशोधनकर्त्यांच्या अभ्यासातून हे निदर्शनास आले आहे की, वर्षाच्या काही महिन्यांत प्रेग्नंसी घातक ठरू शकते. या महिन्यांमध्ये महिलांच्या गर्भपाताचे प्रमाण वाढण्याची शक्यता आहे. त्यामुळे या महिन्यांत गर्भवती महिलांनी विशेष काळजी घेण्याची गरज आहे. संशोधनात उन्हाळ्याच्या दिवसांत प्रेग्नंसी अधिक घातक ठरू शकते असं एका प्रयोगाच्या माध्यमातून निदर्शनात आलं आहे. (Pregnancy Tips)

जर्नल एपिडेमियोलॉजी मध्ये प्रकाशित अध्ययनाअंतर्गत ऋतूनुसार गर्भवती महिलांच्या काही चाचण्या घेण्यात आल्या.त्यातून ४४ टक्के गर्भवती महिलांमध्ये उन्हाळ्याच्या दिवसांत सुरूवातीचे ८ आठवडे घातक सांगण्यात आले आहेत.त्यामुळे जून,जुलै आणि ऑगस्ट महिन्यांत महिलांना सावधगिरी बाळण्याची गरज आहे.उत्तर अमेरिकेतील गर्भवती महिलांवर हा प्रयोग करण्यात आलाय.

थंडीच्या या महिन्यांत अधिक धोका

Eurekalert च्या एका रिपोर्टनुसार, गर्भावस्थेतील महिलांमध्ये फेब्रुवारी महिन्यापासून गर्भावस्थेत गर्भधारणेत उद्घवणाऱ्या धोक्याचे प्रमाण जास्त आढळून आले.अन्य महिन्यांपेक्षा फेब्रुवारी महिन्यापासून हे प्रमाण ३१ टक्के जास्त होते.

प्रेग्नंसीच्या पहिल्या आठ महिन्यांत अधिक धोका

संशोधनाचे प्रमुख आणि लेखक डॉ.अमेलिया वेसेलिंक यांच्या मते गर्भपाताचा धोका गर्भधारणेच्या पहिल्या आठ आठवड्यांआधी उन्हाळ्याच्या दिवसांत अधिक होता.आता उन्हाळ्याच्या कोणत्या दिवसांत आणि कोणत्या प्रकारच्या धोक्याची शक्यता आहे ते जाणून घेऊया.

यासाठी महिलांवर केलं गेलं संशोधन

संशोधनासाठी ६१०४ प्रेग्नंट महिलांना उद्भवलेला त्रास,त्रास झालेल्या दिवसाची तारीख आणि गर्भधारणेचा महिना या गोष्टींची माहिती घेतल्या गेली.या माहितीतून बाहेर पडलेलं सत्य धक्कादायक होतं.उन्हाळ्याच्या दिवसांत उन्हाच्या संपर्कात आल्याने महिलांच्या गर्भापाताचा धोका वाढल्याचं या संशोधनातून पुढे आलंय.