Shweta Tiwari Diet: टीव्ही इंडस्ट्रीतील प्रसिद्ध अभिनेत्री श्वेता तिवारी तिच्या फिटनेस आणि सौंदर्यासाठी चांगलीच प्रसिद्ध आहे. तिचे सोशल मीडियावरील फोटोज बघतच राहावे असे चाहत्यांना वाटते. श्वेताचं वय ४२ वर्ष असलं तरी तिच्या मुलीप्रमाणेच ती तरुण दिसते. तिचं फिटनेस बघून इतर महिलांनाही तिचा डाएट जाणून घेण्यास उत्सकता लागली आहे. चला तर जाणून घेऊया श्वेताचा डाएट प्लान.

काही काळापूर्वी श्वेता तिवारीचं वजन चांगलंच वाढलेलं होतं. त्यानंतर मात्र तिने वजन कमी करत सिक्स पॅक्सही बनवलेत. अलीकडेच श्वेताच्या पर्सनल फिटनेस ट्रेनर आणि सेलिब्रिटी कोच नंदकुमार शिर्केने श्वेताचं डाएट आणि वर्कआउट रूटीन शेअर केलंय.

श्वेता तिचा फिटनेस मेंटेन ठेवण्यासाठी दिवसातून एकदा सॉलिड मील खाते. सॉलिड मिलमध्ये १०० ग्रॅम चिकन किंवा मासे, २००-३०० ग्रॅम व्हेजिटेबल आणि ज्वारीची एक पोळी खाते. सॅलेट नसल्यास ती १०० ग्रॅम पालक किंवा मेथीची भाजी खाते. याशिवाय ती सकाळी ब्रेकफास्टमध्ये ९० ग्रॅम ग्रीक योगर्ट आणि ८-१० बदाम खाते. संध्याकाळी ती एक संत्र आणि एक कप डिटॉक्स टी घेते. (Diet Plan)

श्वेता तिवारी रोज आहारात हजार कॅलरी घेते. तिच्या उंचीनुसार तिचे वजन अगदी नियंत्रणात आहे. श्वेता आठवड्यातून फक्त तीन वेळा वर्कआउट करते. श्वेताने जवळपास १० किलो वजन ६ महिन्यात कमी केलेय. त्यासाठी ती ५ आठवडे वर्कआउट करायची तर एक दिवस इंटेस वर्कआउट करायची.

श्वेता आहारात काय काय घेते?

श्वेताच्या डाएटमध्ये घरी बनवलेली पोळी, हिरव्या पालेभाज्या उदा. पालक, टमाटर,लेट्युस असते. तसेच ती अंडी, ब्राउन ब्रेड आणि चहाही घेते. लंच ब्रेकमध्ये पनीर भूर्जी किंवा चिकन, दही आणि पोळी असते.