मुंबई : एका बाजूला व्यावहारिक जगात दिसणारं विज्ञान आणि दुसऱ्या बाजूला कुटुंबात मिळणारे पारंपरिक संस्कार यांच्या कचाट्यात सापडलेली तरूण पिढी लग्नाळू वयात पोहोचते तेव्हा फारच अडचण होते. सर्व अपेक्षा पूर्ण करणारी स्थळे केवळ पत्रिका जुळली नाही किंवा जात सारखी नाही म्हणून नाकारावी लागतात. अशा अडचणींतून मार्ग काढत अनुरूप आणि प्रगल्भ जोडीदार निवडण्यासाठीचे मार्गदर्शन 'जोडीदाराची विवेकी निवड' या उपक्रमांतर्गत केले जात आहे.

कुंडली, हुंडा, जातपात, इत्यादींना फाटा देत माणूस म्हणून असलेल्या अपेक्षा समोर ठेवत अनुरूप जोडीदार निवडण्याची इच्छा असलेल्या तरूण मुला-मुलींकडे फार कमी पर्याय उपलब्ध असतात. सध्या उपलब्ध असलेल्या वधू-वर सूचक मंडळांमध्ये नाव नोंदवल्यावर त्यांच्या विचारसरणीची स्थळे तेथे क्वचितच सापडतात. अशा समविचारी तरुणांना एकत्र आणण्याचे काम 'जोविनी' या व्यासपीठाद्वारे केले जात आहे.

या उपक्रमांतर्गत तरूण मुला-मुलींच्या मुलाखती घेतल्या जातात. त्यातील काही निवडक तरुणांचा एक व्हॉट्सअॅप ग्रुप तयार केला जातो. रोज या ग्रुपवर काही प्रश्न विचारले जातात. त्यावर या ग्रुपचे सदस्य आपली मते व्यक्त करतात. त्यांच्यात चर्चा घडते.

लग्नाविषयीच्या पारंपरिक कल्पना बाजूला ठेवून वास्तव मुद्द्यांवर चर्चा करून, एकमेकांचा नीट परिचय करून घेऊन लग्न करण्यासाठी या उपक्रमाच्या माध्यमातून प्रोत्साहन दिले जात आहे. व्हॉट्सअॅप उपक्रमाची २२वी बॅच जुलै महिन्यात सुरू होत आहे. त्यासाठी सध्या मुलाखती सुरू आहे.

मुलाखतीसाठी खालील क्रमांकांवर संध्याकाळी ६ नंतर कॉल करावा.

दिक्षा - ९९६०२५८५८९.

हर्षल जाधव, राज्य कार्यवाह - ९६३७३५१४००

हरीश - ९४०३६१८३७५

माधुरी - ९४२३४२०२६३

सचिन - ८४२४०४११५९

आरती - ८६५२२२३८०३

कृष्णात - ८६००२३०६६०