पुणे : ‘‘ज्यांनी महापुरुषांचा अपमान केला, त्या लोकांना जनतेकडे मते मागण्याचा अधिकार नाही. अशा शक्तींना या निवडणुकीत पराभूत करायचे आहे. यासाठी प्रत्येक कार्यकर्त्याने कंबर कसून काम करावे’’, असे आवाहन काँग्रेसचे प्रदेशाध्यक्ष नाना पटोले यांनी केले.
पुणे लोकसभा निवडणुकीत महाविकास आघाडी व इंडिया आघाडीचे उमेदवार रवींद्र धंगेकर यांच्या प्रचारार्थ कोथरूड विधानसभा मतदारसंघात आयोजित कार्यकर्त्यांच्या मेळाव्यात त्यांनी हे आवाहन केले. पटोले म्हणाले, ‘‘महागाई, भ्रष्टाचार, बेरोजगारी अशा महत्त्वाच्या प्रश्नांमुळे जनता त्रस्त झाली आहे. मोदी सरकार मात्र कुंभकर्णाप्रमाणे झोपी गेले आहे.’’
खोट्या आश्वासनांना व्यापारी वैतागले
जीएसटीमध्ये वारंवार बदल केले जात आहेत. व्यापाऱ्यांची छळवणूक होत आहे. भाजपच्या खोट्या आश्वासनांनी व्यापारी वैतागले आहेत. आम्ही सत्तेत आल्यावर व्यापाऱ्यांना जीएसटीमध्ये सूट देऊ. तसेच जाचक कायद्यात बदल करून व्यापाऱ्यांची होणारी छळवणूक थांबवू, असे आश्वासन पटोले यांनी धंगेकर यांच्या प्रचारार्थ मार्केट यार्ड येथे आयोजित व्यापाऱ्यांच्या मेळाव्यात दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.