नवी दिल्ली : रत्नागिरीत रिफायनरी सारखे प्रकल्प येऊ घातले आहेत. परंतू त्यावरुन मोठ्या प्रमाणावर राजकारण होताना आत्तापर्यंत पहायला मिळालं आहे. स्थानिक लोकांचाही याला विरोध असल्याचं दिसतं.

पण इथल्या तरुणांच्या मनात काहीतरी वेगळचं असल्याचं चित्र समोर आलं आहे. आमचा रोजगाराचा प्रश्न सुटावा यासाठी प्रकल्प आणा प्रदुषणाच्या समस्येवर तोडगा निघेल, अशी भावना सध्या इथल्या तरुणांमध्ये आहे. (Ratnagiri lok sabha youth demanded projects for jobs says pollution problem will be settled)

लोकसभा निवडणुकीनिमित्त सकाळनं रत्नागिरीतून स्थानिकांच्या प्रश्नांचा आढावा घेतला. यामध्ये रोजगाराच्या प्रश्नानं इथं भीषण स्वरुप प्राप्त केल्याचं दिसून आलं आहे. त्याअनुषंगानं काही तरुणांशी आम्ही संवाद साधल्यानंतर त्यांनी आपल्या मनातील खदखद बोलून दाखवली. (Marathi Tajya Batmya)

"सरकार कोणाचाही येऊ द्या पण आमचे प्रश्न सोडवा? अशी प्रतिक्रिया येथील तरुणांनी दिली आहे. रत्नागिरीत आंबा उत्पादक शेतकरी मोठ्या प्रमाणात आहे. मात्र, दळणवळणाची पुरेसी साधन नसल्यामुळं इथल्या शेतकऱ्यांना अडचणींचा सामना करावा लागतो. त्यात रस्त्यांची अवस्था देखील चांगली नसल्यानं इथं व्यापारी देखील फारसे येत नाहीत," अशा तक्रारी इथल्या शेतकऱ्यांनी केल्या आहेत. (Latest Marathi News)

दरम्यान, जर वाहतुकीची व्यवस्था नीट असली तर पुणे-मुंबईवरून जाणारा आंबा थेट रत्नागिरीतून ट्रान्सपोर्ट होऊ शकतो, असं इथले शेतकरी सांगतात. त्याचबरोबर इथला रिक्षाचालकांनी देखील राजकीय परिस्थितीवर भाष्य करताना अनेक स्थानिक स्वरुपाच्या समस्या मांडल्या आहेत.