मुंबई : भाजपचे राज्यसभेतील खासदार व पुण्याच्या राजकारणातील महत्त्वाचे नेते संजय काकडे यांचे मागील अनेक दिवलसांतील बंड थंड झाले आहे. पुण्यातून जो उमेदवार निश्चित होईल त्याचाच प्रचार करणार असल्याची ग्वाहीही काकडे यांनी मुख्यमंत्री देवेंद्र फडणवीस यांना दिली. त्यामुळे संजय काकडेंच्या पक्षांतराच्या चर्चांना पूर्णविराम मिळाला आहे.

काकडेंचे मन त्यांचे व्याही व सहकारमंत्री सुभाष देशमुख यांनी वळवले. तसेच मुख्यमंत्र्यांनी काकडे यांनी भविष्यातील जबाबदारीची ग्वाही दिली आहे. भाजपवरील नाराजीमुळे काकडे काँग्रेसमध्ये प्रवेश करणार असल्याचे त्यांनी 10 मार्चला सांगितले होते. यानंतर दोन वेळा मुख्यमंत्र्यांशी त्यांच्या भेटी झाल्या. योग्य ती जबाबदारी लोकसभा निवडणूकीनंतर देण्याचे आश्वासन काकडे यांना मुख्यमंत्र्यांनी दिले आहे.

आज (ता. 22) मुंबईत राष्ट्रवादीच्या डॉ. भारती पवार व काँग्रेसचे प्रविण छेडा यांनी मुख्यमंत्र्यांच्या उपस्थितीत भाजपमध्ये प्रवेश केला. त्याचवेळी संजय काकडेही भाजपमध्येच राहणार असल्याचे मुख्यमंत्र्यांनी स्पष्ट केले.