ठाकरे गटाचे नेते आदेश बांदेकर अडचणीत येण्याची शक्यता राजकीय वर्तुळात वर्तवण्यात येत आहे. सिद्धिविनायक मंदीर प्रकरणी अर्थिक घोटाळ्याचे गंभीर आरोप मनसेकडून करण्यात आले आहेत. मात्र, बांदकेर यांनी हे आरोप फेटाळले आहेत. (Aadesh Bandekar Siddhivinayak Mandir Accused of financial embezzlement )

मागच्या काही दिवसांपूर्वी मनसे नेते यशवंत किल्लेदार यांनी सिद्धीविनायक मंदीरात घोटाळा झाल्याचा आरोप आदेश बांदेकर यांच्यावर केला होता. दरम्यान आता पुन्हा त्यांच्यावर मनसे नेते मनोज चव्हाण यांनी आरोप केला आहे.

सिद्धिविनायक न्यास मंदिराकडून दरवर्षी दैनंदिनी डायरी काढते असते परंतु यावर्षी ती निघाली नाही त्याला आदेश बांदेकर जबाबदार असल्याचे मनसे सरचिटणीस मनोज चव्हाण यांनी आरोप केला आहे. या डायरीवर उद्धव ठाकरे यांचा फोटो हवा असा बांदेकर यांचा अट्टाहास असल्याची माहिती आहे. याला काही विश्वस्तांचा विरोध असल्याचा दावा चव्हाण यांनी केला आहे.

आदेश बांदेकर काय म्हणाले?

गेल्या दोन वर्षात कोरोना काळामुळे ही डायरी छापली गेली नाही. अर्थिक खर्चाचा ताळमेळ साधण्यासाठी डायरी छापण्यात आली नाही अशी माहितीही बांदेकर यांनी यावेळी दिली. तसेच, मनसेचे हे आरोप राजकीय हेतून आहेत. यामध्ये काहीही तथ्य नाही. असही बांदेकर यांनी सांगितलं आहे.