अधिक महिन्यामुळे यावर्षी सर्वच सण सुमारे एक महिना पुढे गेले आहेत. यावर्षी अधिक महिना श्रावणाच्या आधी जोडून आला आहे.
सातारा : अधिक महिना (Adhik Shravan Maas) सुरू होत आहे. अधिक श्रावण अन् श्रावण याबाबत अनेक नागरिक संभ्रमात आहेत. मात्र, श्रावण हा या अधिक महिन्यानंतरच असून, अधिक महिन्यात उपासना, दानधर्माची कार्ये जरूर करावीत.
मात्र, ज्याला आपण श्रावणी सोमवार (Shravan Somvar) म्हणतो, ते या महिन्यानंतरच्या निज श्रावणातच करायचे आहेत. दरम्यान, अधिक महिन्यामुळे यावर्षी सर्वच सण सुमारे एक महिना पुढे गेले आहेत. यावर्षी अधिक महिना श्रावणाच्या आधी जोडून आला आहे. हा योग १९ वर्षांनंतर आला आहे.
ज्या मराठी महिन्याच्या आधी अधिक महिना आल्यास त्याला अधिक जोडला जातो. यावर्षी श्रावणाच्या आधी अधिक महिना आल्याने त्याला अधिक-श्रावण असे पंचांगकर्त्यांनी म्हटले आहे. तर त्यानंतरचा महिना हा निज श्रावण असल्याचे पंचांगकर्त्यांनी (panchang) म्हटले आहे.
१८ जुलै ते १६ ऑगस्ट अधिक श्रावण असून, १७ ऑगस्ट ते १५ सप्टेंबर या कालावधीत निज श्रावण आहे. दोन्ही श्रावण महिन्यांत आठ सोमवार असले तरी, शिव भक्तांनी निज श्रावणातील चार सोमवार (२१ व २८ ऑगस्ट आणि ४ व ११ सप्टेंबर) करावेत, असे तज्ज्ञांनी सांगितले आहे.
श्रावणात तीन सण आहेत. नागपंचमी (२१ ऑॅगस्ट), रक्षाबंधन (३० ऑॅगस्ट) आणि श्रीकृष्ण जन्माष्टमी (सहा सप्टेंबर) आहे. त्याप्रमाणे श्रावणात मंगळागौरीही केल्या जातात. दरम्यान, हिंदू शास्त्राप्रमाणे श्रावण हा पवित्र महिना मानतात. अनेक नागरिक प्राधान्याने श्रावणात मांसाहार टाळतात.
अधिक महिनाही पवित्र मानला जातो. विविध उपासना या महिन्यात आवर्जून केल्या जातात. विशेषतः अधिक महिन्यात दानधर्म करावेत, अशी शास्त्राची शिकवण आहे. अनेक नागरिक तीर्थक्षेत्राच्या ठिकाणी जाऊन दानधर्म करतात. तसेच गंगास्नानाचाही लाभ घेत असतात.
दान द्यावे - जावयाला, गाईला वाण देणे, अधिक माहात्म्य वाचणे, आईची पूजा करून आईची ओटी भरणे, देवालयातील देवांना, गंगेला वाण देणे. अधिक महिन्याच्या उपासना कराव्यात.
श्रावण महिन्यांतील सोमवार - २१ ऑगस्ट, २८ ऑगस्ट, ४ सप्टेंबर, ११ सप्टेंबर याच दिवशी श्रावण सोमवार उपवास करायचे आहेत. इतर उपवास, ग्रंथ वाचन, पारायण करावे.
श्रावणातील सण - नागपंचमी (२१ ऑगस्ट), रक्षाबंधन (३० ऑगस्ट) आणि श्रीकृष्ण जन्माष्टमी (६ सप्टेंबर).
यावर्षी अधिक महिना श्रावणाच्या आधी जोडून आला आहे. हा योग १९ वर्षांनंतर आला आहे. मात्र, श्रावणातील श्रावणी सोमवारसह व्रतवैकल्ये ही पुढील म्हणजे निज श्रावणात करावीत.
वेदशास्त्र संपन्न विवेकशास्त्री गोडबोले - सातारा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.