मुंबई : उपमुख्यमंत्री अजित पवार यांच्या ट्विटनंतर युवासेनाप्रमुख आदित्य ठाकरे यांनी सुप्रिया सुळे यांचा एक फोटो रिट्विट करत एक संदेश देण्याचा प्रयत्न केला आहे. या फोटोमध्ये राष्ट्रवादीच्या खासदार सुप्रिया सुळे, खासदार संजय राऊत आणि आमदार रोहित पवार आणि आदित्य ठाकरे हे आहेत. एक प्रकारे या फोटोतून त्यांनी नवी आघाडी स्ट्राँग आहे हे सांगण्याचा प्रयत्न केला आहे.
आदित्य ठाकरे यांनी हा फोटो ट्विट करताना ही आघाडी महाराष्ट्राची ताकद असल्याचे सांगितले आहे. दरम्यान, उपमुख्यमंत्री अजित पवार यांनी ट्विट करून सर्व भाजप नेत्यांचे आभार मानले होते. त्यांनंतर आदित्य यांनी केलेले ट्विट हे चर्चेचा विषय मानला जात आहे.
अजित पवारांनी पद बदलले, पण पक्ष तोच ठेवला
तसेच, आणखी दोन ट्विट आदित्य यांनी रिट्विट केले आहेत. त्यापैकी एक शिवसेना पक्षाच्या अधिकृत ट्विटर हँडलवरील ट्विट रिट्विट केले आहे. त्यामध्ये शिवसेना पक्षप्रमुख मा. श्री. उद्धव साहेब ठाकरे यांनी आज आदरणीय शरद पवार साहेब यांच्या उपस्थितीत राष्ट्रवादी काँग्रेस पक्षाच्या आमदारांसोबत बैठक घेऊन विस्ताराने चर्चा केली असल्याचे सांगण्यात आले आहे.
दुसरे ट्विट हे आदित्य यांनी राष्ट्रवादी काँग्रेस पक्षाच्या अधिकृत ट्विटर अकाऊंटवरील केले आहे. त्यामध्ये आज राष्ट्रवादी काँग्रेस पक्षाच्या आमदारांशी शरद पवार यांच्या उपस्थितीत शिवसेनेच्या प्रमुख नेत्यांनी एका बैठकीत विस्ताराने चर्चा केली असल्याचे सांगितले आहे. या ट्विटला रिट्विट करत आदित्य यांनी ही महाराष्ट्राची ताकद असल्याचे स्पष्ट केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.