उपमुख्यमंत्री अजित पवार आणि गृहमंत्री दिलीप वळसे पाटील यांनी केंद्रीय मंत्री नितीन गडकरी यांची आज शुक्रवारी (ता.२९) भेट घेतली आहे. महाराष्ट्र नवनिर्माण सेनेचे प्रमुख राज ठाकरे यांची औरंगाबादेत होणाऱ्या सभेमुळे राज्यातील वातावरण तापले आहे. दुसरीकडे भाजपही महाविकास आघाडी सरकारच्या अडचणी कशा वाढतील. यावर लक्ष ठेवून आहे. पक्षाचे आमदार आशिष शेलार यांनी २०१७ मध्ये भाजप, शिवसेना आणि राष्ट्रवादी काँग्रेस या तीन पक्षांची आघाडी सरकार स्थापन करण्याचे ठरले होते असा गौप्यस्फोट केला. (Ajit Pawar Meet Union Minister Nitin Gadakari)
त्यावरुन क्रिया-प्रतिक्रिया उमटत आहे. अशी सर्व परिस्थिती असताना उपमुख्यमंत्री अजित पवार (Ajit Pawar) आणि गृहमंत्री दिलीप वळसे-पाटील (Dilip Walse Patil) यांनी केंद्रीय मंत्री नितीन गडकरी (Nitin Gadkari) यांची भेट घेतली. यामुळे चर्चेला उधाण आले आहे. आज महत्त्वाच्या घडामोडी घडल्या आहेत. राष्ट्रवादी काँग्रेस पक्षाचे अध्यक्ष शरद पवार यांनी मुख्यमंत्री उद्धव ठाकरे यांची भेट घेतली.
ही भेट ठाकरे यांच्या वर्षा निवासस्थानी पार पडली. या प्रसंगी राज्यातील कायदा व सुव्यवस्थेची चर्चा करण्यात आली. सुमारे दीड तास चर्चा झाली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.