जळगाव : राज्यातील ग्रामपंचायत निवडणुकांचे (Gram Panchayat Election) निकाल काय लागणार, याकडं सगळ्यांचं लक्ष लागलंय. सर्वच ग्रामपंचायतींमध्ये मतमोजणीला (Vote Counting) सुरुवात झालीये.

या निकालांत गुजरात भाजपचे प्रदेशाध्यक्ष सी आर पाटील (Gujarat BJP State President CR Patil) यांच्या कन्या भाविनी पाटील (Bhavini Patil) जामनेर तालुक्यातील मोहाडी ग्रामपंचायत सदस्यपदी विजयी झाल्या. मात्र, त्यांचं ग्राम विकास पॅनल पराभूत झालंय.

भाविनी पाटील यांच्या ग्रामविकास पॅनलला 10 पैकी 3 जागा मिळाल्या आहेत. भाविनी पाटील यांचे प्रतिस्पर्धी शरद पाटील यांच्या लोकशाही उन्नती पॅनलला दहा पैकी सात जागा मिळाल्या, त्यात लोकनियुक्त सरपंचपदही शरद पाटलांच्या पॅनलला मिळालं आहे.

मोहाडी ग्रामपंचायतच्या निकालाकडं जळगाव जिल्हासह राज्याचं लक्ष लागून होतं. या ठिकाणी भाजप विरुद्ध भाजप अशी लढत होती. भाविनी पाटील यांच्या पॅनलला राष्ट्रवादी काँग्रेसचा पाठिंबा होता. परंतु, निकालात त्यांच्या पॅनलला पराभव पत्करावा लागला आहे. त्यामुळं हा धक्कादायक निकाल मानला जात आहे.