मुंबई : भीमा कोरेगाव हिंसाचार प्रकरणात शिव प्रतिष्ठानचे प्रमुख संभाजी भिडे यांचा सहभाग नसल्याचं पुणे पोलिसांनी म्हटलं आहे. यासंदर्भात यापूर्वीच भिडेंना क्लीनचीट मिळाली होती. आता दोषारोपपत्रातूनही त्यांच नाव वगळण्यात आलं आहे. याबाबतचं पत्रही पुणे पोलिसांनी मानवी हक्क आयोगाला दिल्याची माहिती भिडेंचे वकील ॲड. पुष्कर दुर्गे यांनी दिली.
पुणे जिल्ह्यातील कोरोगाव भीमा इथं झालेल्या हिंसाचारप्रकरणी शिवप्रतिष्ठानचे संभाजी भिडे यांच्याविरोधात सन २०१८मध्ये गुन्हा दाखल झाला होता. पण तपासादरम्यान संभाजी भिडे यांचा कोरोगाव भीमा हिंसाचार प्रकरणात सहभाग आढळला नसल्याचं पोलिसांनी कोर्टात सांगितलं आहे. तसेच ही माहिती राज्य मानवी हक्क आयोगालाही पुणे ग्रामीण पोलिसांकडून देण्यात आली आहे. संभाजी भिडे यांच्याविरोधात अनिता सावळे यांनी तक्रार दिली होती.
यासंदर्भात ठाण्यातील एका व्यक्तीनं पुणे पोलीस अधीक्षकांकडून माहिती मागवली होती. या माहितीला उत्तर देताना पोलिसांनी ही माहिती दिली आहे. त्यानुसार, पोलिसांनी कोरेगाव भीमा हिसांचारात संभाजी भिडेंचा सहभाग असल्याचं आढळून आलेलं नसल्याचं कोर्टातही सांगितलं आहे. यापूर्वीही पुणे ग्रामीण पोलिसांनी हे वारंवार सांगितलं आहे. मात्र, आता संभाजी भिडेंच नाव वगळता इतर जे ४१ आरोपींवर पोलिसांनी दोषारोप पत्र दाखल केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.