मुंबई : भाजपला बहुमत असूनही सत्तास्थापन करता आली नाही. त्यामुळे राज्यपाल भगतसिंह कोशियारी यांनी दिलेली मुदत संपतानाच भाजपने पत्रकार परिषद घेऊन स्पष्ट सांगितले की, आम्ही सरकार स्थापन करणार नाही. या निर्णयाचा भाजप नेत्यांनी स्विकार केला. यानंतर भाजप नेत्या चित्रा वाघ यांनी ट्विट केले. या ट्विटमुळे त्या सोशल मीडियात ट्रोल होताना दिसताहेत.
भाजपने सरकार स्थापन होऊ शकत नाही, असे जाहीर केल्यावर भाजप नेत्या चित्रा वाघ यांनी 'सत्तेपेक्षा तत्व महत्वाचे... अभिमानास्पद निर्णय!!!' असे ट्विट केले होते. या ट्विटवरून चित्रा वाघ चांगल्याच ट्रोल झाल्या आहेत. कारण लोकसभा निवडणूकीनंतर राष्ट्रवादीमध्ये बराच काळ काम केल्यानंतर त्यांनी भाजपमध्ये प्रवेश केला होता. त्यामुळे सोशल मीडियावर वाघ यांच्या तत्त्वांवरच प्रश्न उपस्थित केले जात आहेत.
राष्ट्रवादीच्या महिला प्रदेशाध्यक्ष रूपाली चाकणकर यांनीही त्यांचे नाव न घेता त्यांच्यावर टीका केली आहे. 'ज्या पक्षाने मान, सन्मान, पद, प्रतिष्ठा दिली, तो पक्ष सोडताना काहींना तत्व आठवली नाही, जी आता आठवायला लागली आहेत,' असा सवाल चाकणकर यांनी वाघ यांना विचारला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.