औंध/पुणे : पक्षाने कोथरूडमधून निवडणूक लढवायला सांगितल्याने विद्यमान आमदार मेधा कुलकर्णी व येथील मतदारांवर अन्याय करून कोथरूड मतदारसंघातून निवडणूक लढवत आहे, असे वक्तव्य भाजपचे प्रदेशाध्यक्ष आणि कोथरुडमधील भाजपचे उमेदवार चंद्रकांत पाटील यांनी आज (शनिवार) केले.
बाणेर बालेवाडी येथील नागरिकांशी कंफर्ट झोन सोसायटीत प्रचारार्थ संवाद साधताना ते बोलत होते. मेधा कुलकर्णी यांच्यासह येथील सर्व लोकप्रतिनिधींनी चांगले काम केले. परंतु पक्षनेतृत्वाच्या इच्छेखातर इथून मी निवडणूक लढवत असून, सर्वांनी सहकार्य करावे असे भावनिक आवाहनही केले. भाजपच्या सत्ता काळात हिंसाचाराची एकही घटना घडली नसून सर्व समाजघटकांना न्याय देण्याचे काम भाजपने केल्याचेही पाटील म्हणाले. तर मराठा आरक्षणासंदर्भात प्रत्येक जिल्ह्यातून लाखोंचे मोर्चे निघूनही समन्वयाने सर्व शांततेत हाताळले गेले. 34000 कोटींची कर्जमुक्तीसह जनसामान्यांचे प्रश्न भाजप सरकारने प्राधान्याने सोडवल्याचेही ते म्हणाले.
दरम्यान, बाणेर येथील बंटरा भवन येथे बंट समाज बांधवांची भेट घेऊन त्यांच्याशीही चर्चा केली. तसेच स्थानिक नागरिकांनी चंद्रकांत पाटील यांच्याकडे समस्या संदर्भात निवेदन दिले. याप्रसंगी बाणेर बालेवाडी व्यापारी संघटनेच्या वतीने चंद्रकांत पाटील यांचा सन्मान करुन पाठिंबा दर्शवला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.