मुंबई - गेल्या 24 तासात देशात 11,458 नवे कोरोना रुग्ण सापडले आहेत. एकाच दिवशी  सापडलेल्या कोरोना रुग्णांची ही आतापर्यंतची सर्वाधिक संख्या आहे. यासोबतच देशात एकुण कोरोना बाधितांची संख्या 3 लाखावर पोहोचली आहे. तर कोरोनामुळे आतापर्यंत 8,884 लोकांचा मृत्यु झाला आहे. 

दहा दिवसात 1 लाख बाधित
गेल्या दोन आठवड्यापासून दिवसात देशात कोरोना बाधितांची संख्या झपाट्याने वाढत चालली आहे. देशामध्ये गेल्या 10 दिवसात एक लाख नवे रुग्ण सापडले आहेत. दिवसाला 9 ते 10 हजाराच्या घरात नवे रुग्ण सापडत आहेत. नवे कोरोना बाधित सापडण्याच्या प्रमामात भारत आता जगात तिसऱ्या क्रमांकावर पोहोचला आहे.

मोठी बातमी - "दिल्लीतील राज्यकर्त्या पक्षाला विरोधीकांची सरकारे पाडण्याची थेरं सुचावीत हे धक्कादायक..."

महाराष्ट्राने कॅनडा, चीन, बांगलादेशला मागे सोडले 
महाराष्ट्रात कोरोना रुग्णांची संख्या 1 लाखाच्या वर पोहोचली आहे. यामध्ये एकट्या मुंबई शहरात 55,357 रुग्ण आहेत. राज्यात गेल्या दोन दिवसापासून 3 हजाराच्या वर नवे रुग्ण सापडले आहेत. राज्याची एकुण रुग्णसंख्या बघता, महाराष्ट्राने कॅनडा,चीन आणि बांगलादेश या देशांना मागे टाकले आहे. महाराष्ट्रापाठोपाठ दिल्ली, तामिळनाडू , गुजरात या राज्यात कोरोना रुग्णांची संख्या वेगाने वाढत आहे. 

महाराष्ट्र

• एकुण रुग्णसंख्या -1,1,141 
• मृत्यु-3,717 

मोठी बातमी - मुंबईतील लोकलसेवा सुरु झाल्यास गर्दी टाळण्यासाठी 'हा' पॅटर्न वापरला जाण्याची शक्यता...

कॅनडा

• एकुण रुग्णसंख्या- 97,943
• मृत्यु- 8,049

चीन

• एकुण रुग्णसंख्या- 89,702
• मृत्यु- 4,634

बांगलादेश 

• एकुण रुग्णसंख्या- 81,523
• मृत्यु- 1,095

china and Canada are now behind maharashtras covid positive patient count check statistics