Eknath Shinde about Anand Dighe:धर्मवीर आनंद दिघे कॅंसर रुग्णालयाच्या भुमीपुजनाचा कार्यक्रम ठाण्यात पार पडला. सरसंघचालक मोहन भागवत यांच्या हातून हा भुमीपुजनाचा कार्यक्रम संपन्न झाला. यावेळी महाराष्ट्राचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस हे देखील उपस्थित होते.

भुमीपुजनाच्या वेळी बोलताना मुख्यमंत्री एकनाथ शिंदे यांनी धर्मवीर आनंद दिघे यांच्या आठवणींना उजाळा दिला आणि दिघे साहेबांनी आपले कुटुंब सावरल्याच्या भावना व्यक्त केल्या. त्याचबरोबर धर्मवीर आनंद दिघे यांच्या नावाने कॅंसर रुग्णालय सुरु करणं, हे त्यांचं जिवंत स्मारक ठरेल, असा विश्वास त्यांनी दर्शवला.

ठाणे येथे पार पडलेल्या धर्मवीर आनंद दिघे कॅंसर रुग्णालयाच्या भुमीपुजनाच्या कार्यक्रमात मुख्यमंत्री एकनाथ शिंदे यांनी आपल्या भावना व्यक्त केल्या. एकनाथ शिंदे म्हणाले की, "दिघे साहेबांनी आयुष्यभर काम केलं, आम्ही समोरून पाहिलं. ज्यांचं आयुष्य उदध्वस्त होणार होत त्यांना वाचवलं सावरलं. माझ देखील उदध्वस्त झालेल कुटुंब दिघे साहेबांनी सावरलं आहे."

यापुढे कॅंसर रुग्णालयाबद्दल एकनाथ शिंदे म्हणाले की, "या हाँस्पिटलच्या नावात आनंद आहे. ज्यांनी आयुष्याभर दुसर्यांच्या आनंदात आनंद शोधला. दुसऱ्याच्या आयुष्यात आनंद दिला. त्यांच नाव ह्या हॉस्पिटलला दिल जात आहे. यापेक्षा आनंदाचा क्षण काय.? दिघे साहेबांच हे जिवंत स्मारक ठरेल."

कॅंसरसारख्या गंभीर आजाराबद्दल बोलताना एकनाथ शिंदे म्हणाले की, "आज कँसर या रोगाचे प्रमाण वाढत आहे आणि म्हणून हॉस्पिटलची गरज आहे. नागपूर मध्ये पण एक हास्पिटल होत आहे, आज इकडे होत आहे याचा आनंद आहे."

यावेळी देवेंद्र फडणवीस यांनी देखील आपलं मत व्यक्त केलं. ते म्हणाले की, "कॅसरच्या पेशंट मध्ये वाढ झाली. २०३५ पर्यंत पेशंट वाढतील अशी भीती आहे. कँसर हा व्यक्तीला होतो पण त्रास हा परिवाराला होतो. देशाच्या श्रमशक्तीवर देखील याचा परिणाम होतो." यापुढे ते म्हणाले की,"टाटा कँन्सर हास्पिटल वेळोवेळी मदत करते. आस्थेचं मंदिर आणि मानवतेचं मंदिर बाजुबाजूला होता आहे. दोन गोष्टी एकत्र आल्या तर इकडे आलेला प्रत्येक रुग्ण हा बरा होऊनच जाईल"