CM Shinde on KCR : तेलंगणाचे मुख्यमंत्री के चंद्रशेखर राव (KCR) यांनी आज (मंगळवार) महाराष्ट्रातील पंढरपूर येथील विठ्ठल रुक्मिणी मंदिरात प्रार्थना केली. चंद्रशेखर राव दोन दिवसांच्या महाराष्ट्र दौऱ्यावर आहेत. त्यांनी आषाढी एकादशीच्या दोन दिवस आधी दौऱ्याला सुरुवात झाली आहे.

भारत राष्ट्र समितीचे नेते आणि त्यांचे मंत्रिमंडळ सहकारी 600 वाहनांसह सोमवारी पंढरपूरला आले. आगामी निवडणुकांच्या पार्श्वभूमीवर केसीआर यांचे हे मोठे शक्तिप्रदर्शन मानल्या जात आहे. मुख्यमंत्री एकनाथ शिंदे यांनी केसीआर यांच्यावर प्रतिक्रिया दिली आहे.

एकनाथ शिंदे म्हणाले,  निवडणुका लढवण्याचा अधिकार सगळ्यांना आहे. ज्यांना आवड आहे त्यांनी निवडणुका लढवल्या पाहिजेत. मात्र केसीआर यांनी आधी पक्ष सांभाळला पाहीजे. महाराष्ट्रात आम्ही समर्थ आहोत. तसेच देवाचे दर्शन जो पाहिजे तो घेईल यात राजकीय गोष्टी नाहीत.

केसीआर यांचा शिंदे सरकारला सवाल-

• बीआरएस महाराष्ट्रात प्रवेशामुळे इतर पक्षात भीतीचं वातावरण आहे. महाराष्ट्रात कोणत्याही पक्षाने विकास केला नाही.

• बीआरएस ही शेतकऱ्यांची टीम आहे, कोणत्याही राजकीय पक्षाची टीम नाही

• सोलापूर आणि औरंगाबादमध्ये ८ दिवसांपासून एकदा पाणी येते, मग विकास कसला झाला, असा प्रश्न केसीआर यांनी उपस्थित केला.

• बीआरएस हा तेलंगणा आणि महाराष्ट्रापुरता मर्यादित पक्ष नाही

• महाराष्ट्रात वीज कंपन्यांचे खासगीकरण का केले, तरी देखील शेतकऱ्यांनी वीज का मिळत नाही, असा सवाल देखील केसीआर यांनी उपस्थित केला.

• महाराष्ट्रातील शेतकऱ्यांनी वीमा योजना का नाही, आम्ही शेतकऱ्यांनी विमा योजना दिली. महाराष्ट्रात शेतकरी एकत्र होत नाही तोपर्यंत काही बदलणार नाही. राजकीय पक्ष येतील आणि जातील.