मानोरा (जि. वाशीम) : पूजा चव्हाण हिच्या कथित आत्महत्या प्रकरणी तपास सुरु असताना भाजपाचे काही लोक विनाकारण बंजारा समाजाची बदनामी करित असून चरित्र हनन केले जात आहे. अशा भाजपा च्या लोकांवर कारवाई करावी.अशी मागणी राष्ट्रीय बंजारा परिषद चे युवा जिल्हा अध्यक्ष शाम सरदार राठोड (रा.गुंडी ता.मानोरा) यांनी केली आहे.
मानोरा पोलिसांना आज (ता.1) मार्च रोजी तक्रार दिली. त्यात म्हटले की,पूजा चव्हाण ह्या बंजारा समाजाच्या मुलीने आत्महत्या केली.ही बाब खेदाची असून याचे आम्हाला दु:ख आहे,यामधे जो कोणी दोषी असेल त्यांना सजा मिळाली पाहिजे,मात्र भाजपा चे नेते देवेंद्र फडणवीस, चित्रा वाघ, प्रवीण दरेकर, अतुल भातखळकर, आशिष शेलार, सुधीर मुनगंटीवार, प्रसाद लाड आदि लोक बंजारा समाजाची, पूजा चव्हाण हिचे कुटुंबाची बदनामी करुन चरित्र हनन करित आहेत.
तसेच पोलिस तपासात अडथळा निर्माण केला जात आहे.म्हणून भाजपा चे वरील नेते व मीडिया यांचे वर कारवाई करावी.अन्यथा राष्ट्रीय बंजारा परिषद तर्फे आंदोलन केले जाईल. असा इशारा तक्रारीत दिला आहे.
पूजा चव्हाण हिने काही दिवसांपूर्वी वानवडी येथील हेवन पार्क या सोसायटीच्या पहिल्या मजल्यावरील सदनिकेच्या गॅलरीतून उडी मारून आत्महत्या केली होती. या प्रकरणामध्ये महाआघाडीतील एका मंत्र्याचे नाव जोडले गेल्याने त्यावरुन मोठ्या प्रमाणात राजकीय आरोपांच्या फैरी झडल्या. दरम्यान या प्रकरणातील तपासाबाबत भाजपच्या नेत्या चित्रा वाघ यांनी वानवडी येथील घटनास्थळाची प्रत्यक्ष पाहणी केली होती. त्यानंतर वानवडी पोलिस ठाण्याला भेट दिली. या प्रकरणी अद्याप एफआयआर दाखल केलेली नसल्यामुळे त्या संतप्त झाल्या होत्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.