औरंगाबाद : देशात कोरोनाचे (coronavirus) रुग्ण पुन्हा वाढायला सुरुवात झाली आहे. तसेच ओमिक्रॉनचे रुग्णही आढळून येत आहे. औरंगाबाद शहरात बाधित मोठ्या प्रमाणात आढळून येत आहे. असे असतानाही सरकारने जास्तीत जास्त जणांना रुग्णांना गृह विलगीकरणात ठेवण्याचे निर्देश दिले आहे. यामुळे औरंगाबाद शहरात तीन हजार ३४० रुग्ण गृह विलगीकरणात आहेत. यापैकी तब्बल १,०७५ जणांनी कोरोनाची लस घेतली नसल्याचे स्पष्ट झाले आहे.

औरंगाबाद शहरात ओमिक्रॉनसह (omicron variant) कोरोनाची (coronavirus) लाट आली आहे. वीस दिवसांत तब्बल सहा हजार नागरिक कोरोनाबाधित (coronavirus) आढळून आले आहेत. यातील तब्बल तीन हजार ३४० रुग्णांना तीन दिवसांत गृह विलगीकरणात (home quarantine) ठेवण्यात आले आहे. त्यांच्यावर लक्ष ठेवण्यासाठी वॉररूममधून यंत्रणाही सक्रिय केली आहे. वॉररूममधून गृह विलगीकरणातील बाधितांना दिवसातून तीन वेळा फोन करून चौकशी केली जात आहे. वॉररूममधून थेट डॉक्टरच कोरोनाबाधितांशी संपर्क साधत आहेत. रुग्णांशी चर्चा करून आवश्यक ते मार्गदर्शन डॉक्टरांकडून केले जाते.

कुटुंबीयांनाही कोरोना

रुग्णांशी डॉक्टर संपर्क साधत असल्याने तीन हजार ३४० रुग्णांपैकी दोन हजार ४४ रुग्णांनी लसीचे दोन्ही डोस घेतले, तर एक डोस (corona vaccine) घेतलेल्यांची संख्या २२१ आहे. तर तब्बल १,०७५ रुग्णांनी लसीचा एकही डोस घेतलेला नसल्याचे पुढे आले आहे. ज्यांनी अद्याप लस घेतलेली नाही अशा रुग्णांमुळे त्यांच्या कुटुंबीयांनाही कोरोना झाल्याचे देखील लक्षात आले आहे.

...तर आरोग्यावर फार काही परिणाम होत नाही

लसीचे दोन्ही डोस (corona vaccine) घेतल्यावर कोरोना झाला तरी त्याची तीव्रता कमी असले. त्याचा आरोग्यावर फार काही परिणाम होत नाही. त्यामुळे नागरिकांनी लसीकरण करून घेणे गरजेचे आहे, असे पालिकेचे आरोग्य वैद्यकीय अधिकारी डॉ. पारस मंडले म्हणाले.