राज्यातील पहिल्या लाटेतील रूग्णसंख्या कमी झाल्यानंतर कोरोनाची दुसरी लाट येणार नाही, अशी अनेकांना खात्री झाली. मात्र, फेब्रुवारीनंतर दुसरी लाट आली आणि मृतांची संख्या एक लाखांवर तर बाधितांची संख्या ६० लाखांपर्यंत पोहचली.
सोलापूर : राज्यातील कोरोनाची Corona दुसरी लाट ओसरू लागली असून 30 शहरांमधील स्थिती सुधारत आहे. परंतु, कोरोना संपला म्हणून नागरिकांनी नियमांचे उल्लंघन केल्यास कोरोनाची तिसरी लाट दोन महिन्यानंतर (सप्टेंबरमध्ये) येईल. तर नियमांचे पालन केले, गर्दी टाळण्यात यश आले तर डिसेंबरमध्ये तिसरी लाट येईल आणि ती सौम्य असेल, अशी माहिती वैद्यकीय शिक्षण व संशोधन विभागाचे संचालक डॉ. तात्याराव लहाने Tatyarao Lahane यांनी दिली. राज्यातील पहिल्या लाटेतील रूग्णसंख्या कमी झाल्यानंतर कोरोनाची दुसरी लाट येणार नाही, अशी अनेकांना खात्री झाली. मात्र, फेब्रुवारीनंतर दुसरी लाट आली आणि मृतांची संख्या एक लाखांवर तर बाधितांची संख्या ६० लाखांपर्यंत पोहचली. ऑक्सिजन, रूग्णालयांमधील खाटादेखील अपुऱ्या पडल्या. त्यानंतर राज्य सरकारने Maharashtra Government ऑक्सिजन प्लॅण्टसह सरकारी रूग्णालयांमधील आरोग्य यंत्रणेवर तीन हजार कोटींचा खर्च करून सुविधा वाढविल्या. तरीही, तिसऱ्या लाटेची Corona's Third Wave भिती असल्याने मुंबई लोकल ट्रेन, धार्मिक स्थळे व ऑफलाइन शाळांवरील निर्बंध तूर्तास कायम ठेवले जाणार आहेत. कोरोनाचे निर्बंध शिथिलतेबाबत पाच टप्पे ठरवून दिले आहेत. त्यातील तीन टप्पे संपले असून आता उर्वरित दोन टप्प्यातील निर्बंध १० जुलैपर्यंत शिथिल होतील. मात्र, निर्बंध उठविल्यानंतरही रूग्णसंख्या वाढू लागली आणि रूग्णालयांमधील ऑक्सिजन बेड ४० टक्क्यांपेक्षा अधिक गुंतल्यास पुन्हा त्याठिकाणी निर्बंध कडक करण्याचे अधिकार जिल्हाधिकाऱ्यांना व महापालिका आयुक्तांना दिले आहेत. कोरोनाची तिसरी लाट किमान दोन महिन्यानंतर येऊ शकते, असा तज्ज्ञांचा अंदाज असल्याने नागरिकांनी गर्दी करू नये, नियमांचे पालन करावे असे आवाहन केले जात आहे. Covid Restriction To Be Till December In Maharashtra, Third Wave In September
कोरोनाची तिसरी लाट येईल हे निश्चित आहे. दोन महिन्यानंतर ही लाट येण्याची शक्यता आहे. सप्टेंबरमध्ये ही लाट नाही आली, तर डिसेंबरमध्ये येऊ शकते. मात्र, नागरिकांनी स्वत:बरोबरच कुटुंबाच्या आरोग्याची खबरदारी घेऊन नियमांचे पालन केल्यास ही लाट सौम्य असेल.
- डॉ.तात्याराव लहाने, संचालक, वैद्यकीय शिक्षण व संशोधन, मुंबई
निर्बंध शिथिलतेबाबत आपत्ती व्यवस्थापनाचे म्हणणे...
- मंदिरे, धार्मिक स्थळांमध्ये दर्शनासाठी होऊ शकते मोठी गर्दी
- मुंबई लोकल ट्रेनमध्ये Mumbai Local Train असतात प्रवासी क्षमतेच्या चौपट लोक
- ऑफलाइन शाळा सुरू करण्याचा विचार तुर्तास नाहीच. तिसऱ्या लाटेचा अंदाज घेऊन निर्णय
- निर्बंध शिथिल केल्यानंतर रूग्ण वाढत असल्यास तत्काळ निर्बंध कडक करण्याचा जिल्हाधिकाऱ्यांना अधिकार
- पॉझिटिव्हीटी रेट व मृत्यूदर ०.५०टक्क्यांपेक्षा कमी होत नाही, तोवर निर्बंध (डिसेंबरपर्यंत) राहणारच
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.