मुंबई: १०० कोटी रुपयांच्या कथित वसुलीच्या आरोपानंतर अडचणीत सापडलेले आणि सध्या अटकेत असलेले माजी गृहमंत्री अनिल देशमुख (Anil Deshmukh) यांच्या मनी लाँड्रिंग प्रकरणा (Money Laundering Case) संदर्भात मुंबई सत्र न्यायालयाकडून विशेष पीएमएलए (PMLA) कोर्टात त्यांच्या जामीन अर्जावर आज सुनावनी झाली.

मनी लाॅड्रीग प्रकरणात ऋषिकेश देशमुख व सलील देशमुख यांनी चौकशीला सहकार्य केलं नसलयाचे ईडी कडून न्यायालयात सांगण्यात आले आहे. ऋषिकेश याला ६ तर सलील याला २ समन्स बजावूनही दोघंही चौकशीला आले नाहीत, अशी माहिती ईडीने न्यायालयात दिली. यावर न्यायालयाने दोघांनाही समन्स करत ५ एप्रिल रोजी हजर राहण्यास सांगितले आहे. दोघंही या प्रकरणात आरोपी आहेत. ईडी (ED) तर्फे देशमुख याच्या जामीन अर्जावर सुनावनीसाठी वेळ मागण्यात आला आहे. त्या अनुशंगाने न्या. आर एन रोकडे याने ९ फेब्रुवारीपर्यंतचा वेळ ईडीला दिला आहे. या प्रकरणात पुढील सुनावनी ९ फेब्रुवारी रोजी होणार आहे.

यापुर्वी अनिल देशमुखतर्फे डिफोल्ट जामीनासाठी अर्ज करण्यात आला होता. मात्र सत्र न्यायालयाने तो अर्ज फेटाळला होता. रेग्युलर जामीनसाठी नव्याने देशमुखांकडून न्यायालयात अर्ज करण्यात आला आहे.