Devendra Fadnavis : राज्याची महसूल परिषद सुरू आहे. या परिषदेत बोलताना उपमुख्यमंत्री देवेंद्र फडणवीस यांनी माध्यमांशी संवाद साधला. यावेळी त्यांनी राष्ट्रवादी काँग्रेसवर निशाणा साधला. अजित पवार आणि जयंत पाटील यांचे भावी मुख्यमंत्री म्हणून पोस्टर झळकले होते. यावर देवेंद्र फडणवीस म्हणाले, राष्ट्रवादीमध्ये ही पद्धत आहे, भावी मुख्यमंत्री, भावी पंतप्रधान ते सांगत असतात. त्यांना माझ्या शुभेच्छा आहेत. 

मी माझ्या अनुभवातून शिकलो. कधीही काही होऊ शकते. कुणाला वाटलं होत का की उद्धव ठाकरे मुख्यमंत्री होतील. मात्रे ते बनले. ज्याला ज्याला जो जो भावी वाटतो त्याला माझ्या शुभेच्छा आहेत, असे फडणवीस म्हणाले. 

महाराष्ट्रात हळूहळू गौप्यस्फोट होत आहेत. मी कसा खरा होतो हे सर्वांना कळत आहे. मात्र तुम्हाला अर्धच समजलं आहे. हळूहळू तुम्हाला सर्व कळेल. मी सगळ्या गोष्टी बाहेर काढेन, असा इशारा देवेंद्र फडणवीस यांनी राष्ट्रवादी काँग्रेसला दिला आहे.