योगेश फरपट

Eknath Shinde: मुख्यमंत्री एकनाथ शिंदे मंगळवारी  अकोल्यात मुक्कामाला होते. आज सकाळी त्यांनी माजी आमदार गोपीकिशन बाजोरिया यांच्या निवासस्थानी माध्यमांशी संवाद साधला.

उद्धव ठाकरे आपणावर खालच्या स्तरावर जाऊन टीका करतात असा प्रश्न विचारला असता त्यांनी उद्धव ठाकरेंचा संतुलन बिघडलंय अशी बोचरी टीका केली.(eknath shinde attacks uddhav thackeray)

तर  शिखर बँक घोटाळा प्रकरणात  EOW कडून अजित पवारांना क्लीनचीट देण्यात आल्याची माहिती त्यांनी दिली. सुनेत्रा पवार, रोहित पवारांना क्लीनचीट या संदर्भात प्रतिक्रिया देतांना एकनाथ शिंदे म्हटले चौकशीचा भाग आहे, जे निष्पन्न झाले असेल ते समोर येणार आहेत.

लवकरच राज्यातला सर्व जागांचा तिढा सुटेल, कुठे गुंता नाहीये.. महायुतीत मतभेद नसून आमचं गुण्या गोविंदाचे सरकार आहे असेही ते म्हणाले. यावेळी शिंदे गटाचे नेते आणि राष्ट्रवादीचे आमदार अमोल मिटकरी, आमदार विप्लव बाजोरिया यांच्यासह जिल्ह्यातील पदाधिकारी उपस्थित होते .