शिवसेनेचे बंडखोर नेते एकनाथ शिंदे यांनी आपल्याकडे सत्ता स्थापनेसाठी आवश्यक असलेल्या संख्याबळाचा दावा केला आहे. पन्नासपेक्षा जास्त आमदार आपल्यासोबत असल्याचा दावा शिंदेंनी केला आहे. लोकशाहीत आकडे महत्त्वाचे असतात, असंही त्यांनी म्हटलेलं आहे. (Eknath Shinde claims that more than 50 MLAs are with me)

एकनाथ शिंदे (Eknath Shinde) यांनी फोनवरुन माध्यमांशी संवाद साधला. यावेळी त्यांनी शरद पवारांना प्रत्युत्तरही दिलं. एकनाथ शिंदे म्हणाले की पन्नासपेक्षा जास्त आमदार आमच्यासोबत आहेत. दोन तृतीयांशपेक्षा जास्त आमदार आमच्याकडे असून अपक्ष आमदारही सोबत आहेत. जेवढे आवश्यक त्यापेक्षा अधिक आमदार आमच्याकडे आहेत. शिवसेनेचे (Shivsena MLA) ४० तर १२ अपक्ष असे आमदार आहेत. त्यामुळे आमच्याकडचं संख्याबळ ५० पेक्षा जास्त आहे. (Eknath Shinde News)

शिवसेनेचे ५६ आमदार आहेत. त्यापैकी एका आमदाराचं निधन झाल्याने शिवसेनेच्या आमदारांची संख्या ५५ झाली आहे. त्यापैकी दोन तृतीयांश आमदार आपल्यासोबत असल्याचा दावा शिंदेंनी केला आहे.