दिल्ली : जेलमधून बाहेर येताच आज पत्रकार परिषद घेत देशाचे माजी अर्थमंत्री पी. चिदंबरम यांनी मोदी सरकारच्या आर्थिक धोरणांवर सडकून टीका केली.
ते म्हणाले, ''पुरावे नसतानाही मला तुरूंगात डांबण्यात. कोणतेही आरोपपत्र नसताना देखील मला जेलमध्ये ठेवले. परंतू या छळामुळे गेल्या 106 दिवसांत मी आतून आणखी कणखऱ बनलो आहे. सरकार माझा आवाज दाबू पाहत आहे पण ते शक्य नाही.''
मोदी सरकारच्या आर्थिक धोरणांवर बोलताना ते म्हणाले, ''देशाचा घसरता जीडीपी हेच भाजपचे अच्छे दिन आहेत का
मोदी सरकारच्या चुकीच्या धोरणांमुळे देशाची आर्थिक घडी विस्कटली आहे. आमच्या काळात देशाचा विकासदर 8 टक्क्यांवर होेता, ताे आता 4.5 टक्क्यांवर आला आहे. यामुळे सर्वच क्षेत्रातील विकासाला फटका बसला आहे. सध्या देशाची आर्थि्क स्थिती बिकट आहे. सर्वच क्षेत्रात सध्या मंदी आहे.''
चिदंबरम यांच्य़ावर सुरु असलेल्या खटल्याबाबत त्यांना विचारले असता ते म्हणाले, ''न्यायप्रविष्ठ प्रकऱणावर बोलणार नाही. विकासदराची मोठी घसरण सुरु आहे. त्याचप्रमाणे देशहितासाठी मी बोलत राहणार. माझा आवाज कोणीही दाबू शकत नाही. मोदी सरकार सर्वच आघाड्यांवर अपयशी ठरले आहे. सरकारचे आर्थिक धोरण दिशाहीन आहे.''
यावेळी बोलताना त्यांनी मोदी सरकारने घेतलेल्या नोटाबंदी, जीएसटीबाबत घेतलेल्या चुकीच्य़ा निर्णयांचा अर्थव्यवस्थेला मोठा फटका आज बसत असल्याची टीका त्यांनी केली. देशामधील तरूणांचे रोजगार जाण्यासाठी देखील सरकारचे धोरण कारणीभूत असल्य़ाची टीका त्यांनी केली. यावेळी त्य़ांनी मोदी सरकार माझा आवाज दाबू शकत नसल्याचे सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.