राज्यातील सर्व किराणा दुकानं आणि सुपर मार्केटमध्ये लवकरच आता वाईन मिळणार आहे. सरकारने घेतलेल्या निर्णयावर सध्या विरोधकांकडून मोठया प्रमाणात टीका सुरू आहे. विरोधीपक्षनेते देवेंद्र फडणवीस यांनी यांच्या पत्नी अमृता फडणवीस (Amruta Fadnavis) यांनीही या प्रकरणात उडी घेतली असून, त्यांनी वाईनच्या (Wine in Supermarkets) निर्णयासह महाविकास आघाडीमधील तीन्ही पक्षाच्या नेत्यांचा समाचार घेतला आहे. नवाब मलिक, संजय राऊत आणि नाना पटोले यांच्यावर त्यांनी जोरदार टीका केली. त्यावर आता सामाजिक विषयांचे अभ्यासक प्राध्यापक हरी नरकेंनी (Professor Hari Narke) टीका केली आहे.

अमृता फडणवीस यांनी संजय राऊत, नवाब मलिक आणि नाना पटोलेंवर टीका केली. थोडक्यात उत्तरं द्या म्हणत ५० मार्कांची प्रश्नपत्रिकाच त्यांनी सोडवायला दिली होती. "Naughty नामर्द, बिगड़े नवाब, नन्हें पटोले .....या जमाती एकत्रित कोठे पाहिल्या जाऊ शकतात ?" असा पहिला प्रश्न त्यांनी विचारलाय. दुसऱ्या प्रश्नात रिकाम्या जागा भरा म्हणत त्यांनी "_____शराब नही होती, हरामख़ोर का मतलब _____है, सुनने में आया है _____नामर्द है" असे प्रश्न दिले आहेत. त्यावर आता हरी नरकेंनी प्रतिक्रीया दिली असून, अमृता फडणवीस यांच्या भाषेवर त्यांनी प्रश्न उपस्थित केला आहे. "सौ. अमृता देवेंद्र फडणवीस यांची संस्कारी भाषा बघा! हेच लोक अहोरात्र आम्हाला भाषेवर प्रवचनं देत असतात. यांची व त्यांच्या संस्कारी पतीची बाजू घेऊन शेकडो वेळा पोस्ट टाकणारे, किरण माने यांच्या भाषेवरून त्यांना ट्रोल करा अशी चिथावणी देणारे आज काय म्हणतील असा सवाल त्यांनी उपस्थित केला आहे.