महाराष्ट्रातला ठाकरे शिंदे वाद आता सर्वोच्च न्यायालयापर्यंत पोहोचला आहे. या प्रकरणी आज सुनावणीही होणार आहे. दोन्ही पक्ष या कायदेशीर लढाईसाठी सज्ज झाले आहेत. दोन्ही पक्षांनी एकमेकांसमोर तोडीस तोड वकील उभे केले आहेत. जाणून घ्या या वकिलांबद्दल... (Uddhav Thackeray Eknath Shinde Supreme court of India)

एकनाथ शिंदे गटाकडून प्रसिद्ध वकील हरीश साळवे (Harish Salve) बाजू लढवणार आहेत. तसंच भारताचे माजी अटॉर्नी जनरल आणि वकील मुकुल रोहतगीसुद्धा (Mukul rohatagi) हे प्रकरण मांडणार आहेत. त्याचबरोबर मनिंदर सिंह आणि महेश जेठमलानीही शिंदेंच्या पाठिशी असतील.

तर उद्धव ठाकरेंची बाजू अभिषेक मनू सिंघवी सांभाळणार आहेत. तसंच दिग्गज वकील कपिल सिब्बलसुद्धा उद्धव ठाकरेंची बाजू लढवणार आहेत. त्याशिवाय राजीव धवन आणि देवदत्त कामत हेदेखील या ठाकरेंच्या बाजूने असतील. तर नरहरी झिरवळ हेदेखील या लढाईत आहेत. त्यांच्या बाजूने वकील रविशंकर जांध्याल असतील. तर न्यायमूर्ती सूर्यकांत आणि न्यायमूर्ती जे बी पारदीवाला यांच्या खंडपीठासमोर ही सुनावणी होणार आहे. या सुनावणीच्या आधी एकनाथ शिंदे यांनी सर्व आमदारांची बैठक बोलावली आहे.