जालना : कोरोनाची साखळी तोडण्यासाठी किमान १५ दिवसांचा लोकडाऊन गरजेचा आहे. त्यामुळे मुख्यमंत्री व कॅबिनेट लॉकडाऊन संदर्भातील निर्णय घेतला. जर मुख्यमंत्र्यांनी मान्य केले, तर १५ दिवसांचा राज्यात लॉकडाउन लागू शकले,  असे संकेत राज्याचे आरोग्य मंत्री राजेश टोपे यांनी रविवारी (ता.११) जालना येथे पत्रकारांशी बोलताना दिले आहेत. श्री.टोपे म्हणाले की, राज्यास रेमडेसिव्हिर इंजेक्शनचा सध्याची पन्नास हजार पुरवठा केला जात आहे. मात्र, मध्यंतरीच्या काळात काही काळा बाजार झाला. त्यामुळे आता थेट कंपनीकडून शासकीय रुग्णालययास रेमडेसिव्हीर इंजेक्शन पुरविण्याचे निर्देश दिले आहेत.

'पूर्णपणे लॉकडाऊनला पाठिंबा, मात्र इतरांना सूट दिल्यास उद्यापासून दुकाने उघडणार'

तसेच प्रत्येक जिल्ह्यात जिल्हाधिकारी यांचे या इंजेक्शनच्या साठ्यावर नियंत्रण असेल. तसेच हे इंजेक्शन शासनाने ठरवून दिलेल्या दराने विक्री करणे बंधनकारक आहे. तसेच राज्यात बाराशे मॅट्रिक टन ऑक्सिजन उत्पादन होत असून त्याचा वापर आरोग्य विभागासाठी होत आहे. मात्र, या पुढे हे ऑक्सिजन इतर कुठे वापरू नये. यासाठी लक्ष ठेवले जाईल. त्यासाठी ऑक्सिजन टँकरवर जेपीएसव्दारे नियंत्रण ठेवण्यात येणार असून उद्योजकाने ऑक्सिजनचा साठा केला तर त्यांच्यावर ही कारवाई केली जाईल असे आरोग्य मंत्री श्री.टोपे यांनी म्हटले आहे.

‘ब्रेक द चेन’मुळे कापड व्यवसाय संकटात, निर्बंधांमुळे लग्नसराईतील चैन संपली

कोरोनाची साखळी तोडण्यासाठी १५ दिवसांचा लोकडाऊन आवश्यक आहे. त्यामुळे मुख्यमंत्र्यांवर सर्वांनी  विश्वास ठेवला आहे. त्यामुळे मुख्यमंत्री व कॅबिनेट लोकडाउन संदर्भातील योग्य तो निर्णय घेतला. जर मुख्यमंत्र्यांनी तो मान्य केला, तर १५ दिवसांचा लोकडाऊन लागू होऊ शकतो, असे संकेत ही आरोग्य मंत्री राजेश टोपे यांनी दिले आहेत.

संपादन - गणेश पिटेकर