जळकोट (जि.लातूर) : नगरपंचायतीच्या नगराध्यक्षपदी राष्ट्रवादीच्या प्रभावती कांबळे व उपनगराध्यक्षपदी काँग्रेसचे मन्मथ किडे यांची बिनविरोध निवड झाली आहे. नगरपंचायत निवडणुकीमध्ये काँग्रेसचे (Congress Party) सात, राष्ट्रवादीचे सात, शिवसेनेचे दोन व भाजपचे एक नगरसेवक विजयी झाले आहेत. बुधवारी (ता.नऊ) अध्यासी अधिकारी तथा उपविभागीय अधिकारी प्रविण मेंगशेट्टी, सहायक निवडणूक निर्णय अधिकारी तहसीलदार सुरेखा स्वामी, मुख्याधिकारी भरत राठोड यांच्या उपस्थितीत नगराध्यक्ष व उपनगराध्यक्षपदाची निवडी (Jalkot Nagar Panchayat) करण्यात आल्या. राष्ट्रवादी काँग्रेस (NCP) पक्षाकडुन एक व उपनगराध्यक्षपदासाठी काँग्रेस व शिवसेनेकडून मन्मथ किडे यांचे एकमेव अर्ज आला होता. (Jalkot Nagar Panchayat NCP Prabhavati Kamble Elected As City President)

पीठासिन अधिकारी तथा उपविभागीय अधिकारी मेंगशेट्टी यांनी दोघांचेही बिनविरोध झाल्याचे घोषित केले. त्यानंतर प्रशासनाच्या वतीने दोघांचाही सत्कार करुन शुभेच्छा देण्यात आले. यावेळी नवनिर्वाचित नगराध्यक्ष प्रभावती कांबळे, उपनगराध्यक्ष मन्मथ किडे, नगरसेवक अॅड. तात्या पाटील, संदीप डांगे, लक्ष्मीबाई मंगनाळे, संग्राम नामवाड, मिनाश्री धुळशेट्टे, वर्षा सिद्धेश्वरे, बाबुमियाँ लाटवाले, अश्विनी धुळशेट्टे, सुरेखा गवळे, विनायक डांगे, संगीता धुळशेट्टे, रेखा देवशेट्टे, शिवसेनेचे नगरसेवक शिवलींग धुळशेट्टे, सुमनताई देशमुख आदी उपस्थित होते. (Latur)