राज्यात एका कार्यक्रमादरम्यान छत्रपती शिवाजी महाराज यांच्यासंबधी वादग्रस्त वक्तव्य केल्याप्रकरणी राज्यातील राजकारण तापले आहे. एका कार्यक्रमात राज्यपाल भगत सिंह कोश्यारी म्हणाले की, 'शिवाजी महाराज तो पुराने जमाने की बात है, अभी तुम्हारे सामने गडकरी जैसे आदर्श है. मला असं वाटतं, जर कोणी विचारलं तुमचे आदर्श कोण आहेत, तर बाहेर जाण्याची गरज नाही. महाराष्ट्रातच तुम्हाला मिळतील. शिवाजी तर जुने झाले, मी नवीनांबद्दल बोलतोय. आंबेडकरांपासून ते गडकरीपर्यंत इथेच मिळतील, असं ते म्हणाले आहेत. यावरून त्यांच्याविरोधात टीका करण्यात येत आहेत. तर त्यांना पदावरून हटवण्याची मागणी विरोधकांनी केली आहे.

दरम्यान या सर्व घटनां घडत असतानाच राज्यपाल भगत सिंह कोश्यारी यांनी पदमुक्त होण्याची इच्छा व्यक्त केली आहे. आपल्या राज्यात परत राज्याची इच्छा असल्याची माहिती समोर आली आहे. त्यांनी त्यांचा पदभार जवळच्या व्यक्तीवर सोपवावा असंही त्यांनी म्हंटलं आहे. गेल्या काही महिन्यांपासून राज्यपाल वादग्रस्त वक्तव्यामुळे कायमच चर्चेत आलेले राज्यपाल भगतसिंह कोश्यारी हे पदमुक्त होण्याची शक्यता आहे. याबाबतचे वृत्त abp माझा या वृत्तवाहिनीने दिली आहे.

राज्यपाल पदमुक्त होणार असल्याचे संकेत दिसत असून राज्यपाल कोश्यारी यांनी आपल्या जवळील व्यक्तींकडे पदमुक्त होण्याची इच्छा व्यक्त केली असल्याची माहिती मिळाली आहे. कोश्यारी यांनी पुन्हा आपल्या राज्यात जाण्याची इच्छा व्यक्त केली असल्याचे म्हंटलं जातय.

राज्यपालांनी काही दिवसांपूर्वी एका कार्यक्रमात छत्रपती शिवाजी महाराज यांच्याबाबत वादग्रस्त वक्तव्य केल्याप्रकरणी राज्यातील वातावरण तापलं आहे. राज्यपालांच्या व्यक्तव्यानंतर राज्यात तीव्र पडसाद उमटले. भाजप वगळता इतर सर्व पक्षांनी त्यांच्या वक्तव्याचा निषेध नोंदवला. दरम्यान शिंदे गटानेही याबाबत नाराजी व्यक्त केली होती. तसेच छत्रपती उदयनराजे भोसले आणि संभाजी छत्रपती यांनीही राज्यपालांविरोधात आक्रमक भुमिका घेतली आहे.