मुंबई : राज्य विधीमंडळाचं हिवाळी अधिवेशन (Winter Session) सध्या मुंबईत सुरु आहे. यामध्ये विधानसभा अध्यक्षाची निवड होणार आहे. त्यासाठीची प्रक्रिया कुठंपर्यंत आली आहे, याबाबतची सविस्तर माहिती काँग्रेस प्रदेशाध्यक्ष नाना पटोले (Nana Patole) यांनी माध्यमांशी बोलताना दिली. (Name for post of Assembly Speaker is fixed Info provided by Nana Patole)

पटोले म्हणाले, काल कॅबिनेटची बैठक पार पडली या बैठकीत विधानसभा अध्यक्षच्या निवडीबाबतचं पत्र राज्यपालांकडे पाठवण्यात आलं आहे. यावर आज राज्यपालांकडून याला मान्यता मिळेल त्यानंतर तातडीनं निवडणुकीची प्रक्रिया सुरु होईल अशी अपेक्षा आहे.

विधानसभा अध्यक्षपदासाठी काँग्रेसकडून संग्राम थोपटे आणि पृथ्वीराज चव्हाण यांची नावं आघाडीवर आहेत. याबाबत माहिती देताना पटोले म्हणाले, जसं निवडणुकीचं नोटिफिकेशन निघेल त्यानंतर तात्काळ उमेदवाराचं नाव घोषीत केलं जाईल. उमेदावाराचं नाव अंतिम झालेलं आहे, यासाठी काँग्रेस हायकमांड नोटिफिकेशनची वाट पाहत आहे.

राष्ट्रवादी काँग्रेसमध्ये पृथ्वीराज चव्हाण यांच्या नावाला विरोध असल्याचं बोललं जात आहे. या पार्श्वभूमीवर पटोले म्हणाले, महाविकास आघाडीतील तिनही पक्षांमधून कोणाचाही आमच्या उमेदवाराला विरोध नाही. त्यामुळं आम्ही कोणाचंही नाव फायनल केलं तरी त्याला विरोध असणार नाही.

मंत्रीमंडळातील काँग्रेसच्या मंत्र्यांमध्ये फेरबदल होणार?

पटोले म्हणाले, मंत्रीमंडळातील फेरबदलांबाबत हायकमांड निर्णय घेईल. पण याबाबत सध्या जास्त काही सांगता येणार नाही. दरम्यान, २८ डिसेंबरपर्यंत ठरलेल्या वेळापत्रकानुसार अधिवेशनाचं कामकाज सुरु राहणार असून याच काळात अध्यक्षपदाची निवडणूक होईल.